1 TIMOTIUS 4:3 - KITABI HABARI MOPIOHE

³ Timongolio mongaajali tau u diila monika wau diila molamelo ua̒alo utantu-tantu. Lebe-lebe pomao̒ ua̒alo boito pilowali mai lo Allahu Taa̒ala u mowali tameloolo wolo polo lapali oduo̒lo o-Lio lotau-tauwalo tamalo malacaya li Almasi wau malotota pongaajali u otutu lonto Allahu Taa̒ala.

1 TIMOTIUS 4:3 ပူးပေါင်းရင်းမြစ်များ

ILOOWALI 9:3

Ngoa̒amilalo boito mowali ua̒alomu, debo odelo olo pipii-lomulowalo u moidu; ngoa̒amilalo boito wohi-U̒ mai olemu u mowali ua̒alomu.

TAMOO-HUTUBAWA 5:18

Wonu ngotaalio mololimo okokaya wau halata upango monto Allahu Taa̒ala, wau tio luasiyalo molamitao̒ okokaya boito, maamusi tio molaasa mosukuru mola wau molamitao̒ totoonulalo tilapulo kalajaalio. Uito yito olo wowohi mai lo Allahu Taa̒ala.

DANIALI 11:37

Ti Olongia boito diila tamo mandungi penu boli dewa toonu u hetuboo linenemoyaalio, tuwotuwoto dewa u hepujaa lo mongobua. Tio diila momandungi dedeewaalo boito sababu tio monganggapu bibii-ntengiyalo lebe udaa̒ woli mongolio.

MATIUSI 14:19

Lapatao̒ Tio malo poa̒hu taa dadaata boito lotihuloo̒ toitaato huo̒yoto. Tulusi Tio lohama roti limo lobotu wau uponula dulo botu boito, lapatao̒ yilumanggela mola ode hulungo wau lolapali sukuru ode Allahu Taa̒ala. Lapatao̒ uito Tio lomita-mitangao̒ roti boito lo uluu̒-Lio wau lohudu mao̒ ode tahidudua̒ o-Lio u lolaya-layade mota ode taa dadaata boito.

MATIUSI 15:11

U tumuwoto ode ngangolio diila moo̒ najisi tau boito; bo u lumualai monto ngango ui-uitolo umoo̒ najisi olio.”

MATIUSI 15:36

Lapatao̒ Tio lohama roti pitu lobotu boito wau uponulalio, tulusi lolapali mola sukuru ode Allahu Taa̒ala. Lapatao̒ uito Tio lomita-mitangao̒ roti wau uponula boito wolo uluu̒-Lio tulusi yilohi-Lio ode tahidudua̒ o-Lio. Wau timongolio malo laya-layade mota totaa dadaata boito.

LUKASI 24:30

Tou̒ hihuloa̒a hipolamela pee̒-pee̒enta woli mongolio, ti Isa lohama roti, lolapali sukuru ode Allahu Taa̒ala, wau lomita-mitangao̒ roti boito wolo uluu̒-Lio, tulusi longohi mao̒ ode limongolio.

YAHYA 6:23

Lapatao̒ demohelu ngoolo bulotu lonto kota lo Tiberias leidungga mai wau lotirabua totili lotambati lotaa dadaata boito hipo lamela roti u mailapato silukuru mola lo Eeya.

WUNGGULI LOMONGO RASULU 27:35

Lapatao̒ loloi̒ya mao̒ odito tei Paulus malohama roti wau lolapali mola sukuru ode Eeya totalu limongolio ngoa̒amila. Lapatao̒ tio lolaya-layadeo̒ roti boito, tulusi lolamelo.

ROMA 14:17

Sababu wonu Allahu Taa̒ala momalenta tutumulo lo tahingota-ngotaawa, wolo umowali tamelolio meaalo yilumolo, diilalo polohuna daa̒. U polohuna daa̒ yito deu̒ tau boito modudua̒ otohilaa lo Allahu Taa̒ala, molaasa oduo̒oto hilao wau mololimo wengahe uwohi lo Rohullah.

ROMA 14:3

Taa u molamelo penu boli wolo wambao̒ diila mao̒ ponganggapu dupadupapa taa u hemolamelo bo ua̒alo utantu-tantu wambao̒; wau taa u molamelo bo ua̒alo utantu-tantu wambao̒, diila mao̒ olo mopotala taa u hemolamelo totoonulalo u hitua-hituawua, sababu Allahu Taa̒ala malo lolimo olio.

ROMA 14:6

Taa u mopou̒daa̒ duduu-laheyaalo utantu-tantu, tau boito mohutu odito u mohulumati Eeya. Taa u molamelo tilolahepalo mao̒, mohutu odito u mohulumati Eeya, sababu tio mosukuru ode Allahu Taa̒ala to ua̒alo boito. Odito olo wolo taa bo molamelo ua̒alo utantu-tantu wambao̒; tau boito olo mohulumati Eeya wau mosukuru to Allahu Taa̒ala.

1 KORINTUS 6:13

Woluo olo talo loi̒ya deu̒ ua̒alo yito duo̒lo ombongo, wau ombongo yito duo̒lo ua̒alo. Bo duduuluwolo mapo diaaluo lo Allahu Taa̒ala. Batanga lomanusia diila mowali pomake u mopowoluo mai wumbuta u huloto, bo duo̒lo momaya to Eeya wambao̒. Wau Eeya mamolaala batanga boito.

1 KORINTUS 7:28

Bo wonu Wutato monika, uito diila odusa. Odito olo wonu tadulahu ngota monika, diila oboliilio deu̒ tio odusa. Bo, timongolio talonika boito mamotaalua lou̒ suusa dadaata. Wau watia ohilaa Wutato moo̒ohei monto totoonulalo usuusa boito.

1 KORINTUS 8:8

Otutuulio mao̒ ua̒alo lohihilao diila moo̒hutu wumbutanto wolo Allahu Taa̒ala mowali lebe mohulango daa̒. Wonu ito molamela ua̒alo boito, ito diila moo̒tapu pae̒eda wolo-wolo. Bolii̒o mao̒ wonu ito diila molamela ua̒alo boito, ito olo diila luhi wolo-wolo.

KOLOSE 2:16

Sababu uito diila mao̒ polulia tau mopotala olimongoli tomimbihu ua̒alo wau minuumani, meaalo tomimbihu duduu-laheyaalo buka lo agama, meaalo totoonulalo lameyangi hulala bohu, meaalo tomimbihu dulahu Saabati.

KOLOSE 3:17

Ngoa̒amila wolo upohutuo meaalo loi̒ya limongoli, mamusi uito pohutuwola wau loi̒yaalo to tangguli Isa Eeya. Posukurulo mola ode Allahu Taa̒ala ti Paapa tou̒ wolo u pilohutu li Isa olimongoli.

1 TIMOTIUS 2:4

Otohilaa lo Eeya alihu ngoa̒amila tau poa̒ahuwolo wau motota u otutu.

1 TIMOTIUS 4:4

Totoonulalo hitua-tuawua u pilowali mai lo Allahu Taa̒ala boito mopiohe, wau diaaluo penu boli tuwau mao̒ u musi anggapuolo halamu wonu matilolimo wolo lapali oduo̒lo ode Allahu Taa̒ala.

1 TIMOTIUS 5:14

Uitolo sababuulio otohilaau̒ alihu mongo janda himuudawa muli monika, umoo̒ toduo mai walao̒ wau mongulusi dileaalio, alihu totoonulalo diila ohiyango u mopobuli-buliilo tanggulunto.

IBRANI 13:4

Ngoa̒amila tau musi mopo biloheo̒ sikapu hulumati topolo nikawa, uito sababuulio mamusi tamo tolodile tatapu wau molotolo hilao ngota timongota. Taa u huloto wau taa u mojina maa aadilio lo Allahu Taa̒ala.

IBRANI 13:9

Diila mao̒ polulia totoonulalo pongaajali u hidelia wau mopolapalo olimongoli. Hilaanto musi poo̒lotolola lo opopiohu hilaa lo Allahu Taa̒ala, uitolo u mopiohe; diila mao̒ bo sababu wuwuu-uduwaalo lo ua̒alo. Tau-tauwala tamuloololio mai helo dungohe wuwuu-uduwaalo boito diila loo̒tapu hunalio.