1 TIMOTIUS 1:3 - KITABI HABARI MOPIOHE

³ Otohilaau̒ alihu yio̒ debo motibiluloa̒ to Epesus debo odelo u mailoi̒yau̒ mai olemu tou̒ wau̒ lonao̒ ode Makedonia. Sababu, to Epesus woluo dengolo lota tahi pololade pongaajali udiila otutu, wau yio̒ musi mopo huheli mao̒ olimongolio.

1 TIMOTIUS 1:3 ပူးပေါင်းရင်းမြစ်များ

WUNGGULI LOMONGO RASULU 18:19

Tou̒ leidungga mola ode Epesus, tei Paulus lololaa mao̒ olei Priskila woli Akwila, tulusi tilumuwoto ode bele potabiaalo wau helotuuloa̒ pikiilangi wolo tau-tauwalo Yahudi mota teto.

WUNGGULI LOMONGO RASULU 18:21

Penu boli odito, tou̒ mamo monggato, malo loi̒ya tio, “Wonu Allahu Taa̒ala potala mopoluasi, watia muli mohualingai odia.” Lapatao̒ loloi̒ya mao̒ odito, tio lomonggato lonto Epesus.

ROMA 15:26

Sababu jajaamaa̒alo to Makedonia wau Akhaya maa̒kolo u mongohi dembulo tomongo wutato tamosikini towolota umati lo Allahu Taa̒ala mola to Yerusalemu.

ROMA 16:17

Mongo wutato! Pohile lowatia lou̒ tio̒otutua: Poo̒daha-dahaalo mao̒ totau-tauwalo tahemo potoodei owowoluwoa u mopobuu-bua̒alawa wau mopo puyoo̒to opopalacaya lotau ode Eeya. Sua̒li boito bubuu-lemenga lou̒ wolo u mapilo ngaajali olimongoli. Walahe mao̒ tau-tauwalo debo odelo uito.

2 KORINTUS 11:4

Sababu oontonga mao̒ timongoli sanangi wambai̒o mololimo taa monao̒ mai ode limongoli wau mongaajali pasali li Isa uwewo – diila ti Isa tapilo ngotaawa mai lamiaatia toli mongoli. Wau timongoli olo ohilaa mololimo rohu wau “habari mopiohe” u sama-samaata wiwiihede wolo Rohullah wau Habari Mopiohe u pee̒enta tilolimo limongoli lonto olaamiatia.

EPESUS 4:14

Yi ito diilalo mowali mongo walao̒ tahepo bale-baleangio wau heo̒ delo-delowalio odito mota odia mai lo pongaajali u hidala-dalaala lotahi o aakalia dadaata u moleeto. Timongolio hemopoo̒ lapala tau wolo yimbulo u hidala-dalaala limongolio.

PILIPI 2:24

Watia palacaya deu̒ wolo polo tulungi lo Eeya, watia lohihilao olo diilalo mohiheo mamola mobiilohe woli mongoli olo.

1 TIMOTIUS 4:11

Pongaajalia mao̒ ngoa̒amilalo boito wau ahulilo tau-tauwala moduduo̒.

1 TIMOTIUS 4:6

Wonu yio̒ mopoa̒ajali mao̒ ngoa̒amilalo boito tomongo wutato ngoi̒imani, yio̒ mamowali tamoomayawa li Isa Almasi tahemo kalaja wolo mopiohu. Wau yio̒ malaito molaala hilaamu wolo tahuda lo Allahu Taa̒ala u pilalacayanto, wau wolo totoonulalo pongaajali u otutu umaa diludua̒mu ngotilonggadu botie.

1 TIMOTIUS 5:7

Potunggula mao̒ totoonulalo potuhata botie olimongolio, alihu timongolio tumumulo diila oa̒aibu.

1 TIMOTIUS 6:10

Sababu monto hilaa lodoi boitolo, tumoodei totoonulalo u moleeto. Woluo ngobutao̒ tau u bo mohilapita doi tilunggula madiilalo lodudua̒ pongaajali lo Nasara, lapatao̒ timongolio ilodungga lou̒ polodutolo dadaata ulopo a̒antulu hilaa limongolio.

1 TIMOTIUS 6:17

To tau-tauwalo tahi kayawa todunia botie, mamusi pohilemu mao̒ alihu timongolio diila mao̒ sombongi wau diila mao̒ poharapu tou̒ babaa-langiyalo udiila tatapu – debo odelo sua̒liilio wolo okokaya. Timongolio musi motiwunela to Allahu Taa̒ala talongohi mai totoonulalo u hitua-tuawua olanto lou̒ laba-labaalo daatalio alihu olaasanto mao̒.

1 TIMOTIUS 6:3

Titaalo-tita mongaajali mao̒ pongaajali uwewo woleeto wau diila akolo lou̒ pongaajali u otutu monto Eeyanto Isa Almasi, wau wolo pongaajali lo agamaanto,

2 TIMOTIUS 1:18

Wau otaawamu deu̒ to Epesus tio poo̒-poo̒daata lotulungi olau̒. Pohileaala dua̒ Eeya mopo bilohei odehu hilao olio todulahe Eeya momutoa̒i ngoilanggubu umati lomanusia.

2 YAHYA 1:7

Dadaata tamoo-himbuloa malo loo̒opo ode ngoilanggubu dunia. Timongolio yito tau-tauwalo tadiila motolo akuo deu̒ ti Isa Almasi meidungga mai ode dunia odelo ngotaalio lomanusia. Taa udebo odelo uito yito tamoo-himbuloa, wau Musu li Almasi.

WAHI 2:14

Bo boli odito woluo dengolo sua̒li udiila moo̒sanangi ola-U̒ monto olimongoli: woluo ngotayadu tau towolota limongoli tamalo dudua̒ wolo u pilo ngaajali lei Bileam. Tei Bileam helo ngaajali olei Balak woloolo mola mopodehu umati lo Isirai̒lu ode delomo dusa; wolo lomiyo olimongolio lolamela ua̒alo u mapilo dewolio ode balaahala wau lohutu susuu-aliyaalo u huloto.

WAHI 2:20

Bo utie kabalaatani-U̒ olimongoli: Timongoli helongohi hilao toli Ijebel, talongaku taabua tailahula mai lo Allahu Taa̒ala boito. Madilaata mongo wato-U̒ tai̒laa-kaliilio wau ilajaliilio u helohutu huloto wau lolamelo ua̒alo umaa pilodewo ode balaahala.