Yohanes 7:4 - O GIKIMOI AWI JAJI ma BUKU

⁴ O nyawa nakoso yodupa o nyawa yadadala ona yanako gena, ona manga manara gena upa yosipopongoka. So bilasu naaka komagena, nako igogou nodupa Ani manara nosigila-gila gena, ma ngale Ngona bilasu nomasikelelo o nyawa yangodu o duniaka.”

Yohanes 7:4 ပူးပေါင်းရင်းမြစ်များ

Matius 23:5

Ona o bi moi-moi dangodu la yaaaka o nyawa yakelelo bai! We! Ona yodupa manga sumbayang ma kukudu, kiaka manga saheka imasilalono gena, ikaku de ingoha de lo manga juba ma rerede yaaka lo ikukuruku la isikelelo o nyawaka, o bobita o Musa walelefoka gena yamote.

Matius 4:6

de itemo Unaka, “Igogou! Ngona o Gikimoi ma Ngopa. Hika kagena de kudahu nomatura, sababu o Gikimoi Awi Jaji ma Bukuka isilefoka, ‘Ma ngale Ngona gena Una asa Awi malaikat wapareta, la ona magena asa inigubare, ma ngale Ani dohu lo o tetoku upa yadahe.’ ”

Matius 6:16

“Nakoso ngini niodowa de niudowa, upa nimatuhudu maro o nyawa manga sigogise ikokulai o Gikimoika ona magena yaaka. Ma orasi ona yoodowa de youdowa, de yodupa imatuhudu de manga bio yamasauwa de lo manga hutu yawusiwa, la ma ngale o nyawa yanako ona yoodowa de youdowa. So tinisingangasu igogou, sababu ona manga giliri o nyawano gena yamake daboloka, so o Gikimoi Awi fanggali gena he ihiwa onaka.

Matius 6:5

“De nakoso ngini nisumbayang, upa sidago niaaka maro o nyawa de manga sigogise o Gikimoika ikokulai ona magena yaaka. Sababu o nyawa ona magena manga dupa imaoko o puji ma bi tahu ma rabaka eko o ngeko ma bi sagoka, la ma ngale o nyawa asa ona yakelelo. So ngini tinisingangasu igogou, sababu ona manga giliri o nyawano gena yamake dabolo, so o Gikimoi Awi fanggali gena he ihiwa onaka.

Lukas 6:45

Komagena lo o nyawa o duniaka. O bi nyawa ma loha gena igogou o demo daloloha yobicara, sababu manga sininga ma rabaka o bi moi-moi daloloha yadiahi. O bi nyawa ma dorou gena manga bicara lo datorou, sababu manga sininga ma rabaka o bi moi-moi datotorou yadiahi. Sababu o kia bato manga sininga ma rabaka, magena asa isupu so yosibicara.”

Yohanes 18:20

So kagena de o Yesus wosango wotemo, “Ngohi tobicara gena kanaga o doku, de o soa, de lo o bi duniaka ma nyawa he yangodu gena manga simaka. De Ngohi lo todoto salalu o puji ma bi tahuka eko o Gikimoi Awi Tahuka, sidago lo o kiaka bato o Yahudika ma nyawa manga dodolomu ma rihoka. Ngohi manena o kia naga tobicara gena taihuwa de lo tosipongowa.

Yohanes 7:3

So Una Awi nonongoruku wigegego itemo Unaka, “Ria, Ngona gena bilasu o Galileaka de nomajobo la nomimote. Notagi nokahika kali o Yudeaka, de kagena asa o nyawa yadalaka de to Ngona Ani nonako ihahairani naaka la aku yakelelo kali de ka Ngona nimote.

Yohanes 7:5

Manga demo komagena, sababu Awi nonongoruku ona magena yopiricaya waasi Una gena o Salamati ma Kolano.