Yohanes 7:3 - O GIKIMOI AWI JAJI ma BUKU

³ So Una Awi nonongoruku wigegego itemo Unaka, “Ria, Ngona gena bilasu o Galileaka de nomajobo la nomimote. Notagi nokahika kali o Yudeaka, de kagena asa o nyawa yadalaka de to Ngona Ani nonako ihahairani naaka la aku yakelelo kali de ka Ngona nimote.

Yohanes 7:3 ပူးပေါင်းရင်းမြစ်များ

Dodadi 37:20

Hino la ngone powitoomaka. La dabolo de awi rohe paumo o sumu moi ma ake ihihiwaku. La ngone posingangasu o haiwani ifufuru asa wiodoka. La upa he una wonapareta, maro o kia idomaka to una awi doguruga wonasijarita ngoneka.”

Matius 12:46

O Yesus wabicarasi o nyawa yadadalaka, de ma awa de Awi gianongoru yahino. So yahika kagena o tahu ma dudu kasi, de o nyawa moi iwisulo o Yesus wiaso.

Markus 3:21

Komagena awi gianongoru yogiise de itemo, “Una magena witogosaka bai!” So ona itagi iwingoso la wisigiliho.

Markus 3:31

Magena dabolo de o Yesus ma awa de Awi gianongoru yahino. So yaado o tahu ma dudu kasi, de o nyawa moi iwisulo Una wiaso.

Lukas 8:19

Ma moiku de o Yesus ma awa de Awi gianongoru yahino manga dupa Una wimake, duma yaakuwa iwiado Unaka, sababu o nyawa yadala poli.

Lukas 8:20

De o nyawa moi yadadalano wosibicara Unaka wotemo, “Ai tabea, Baba. Ani awa de Ani gianongoru ona yodupa nimakamake de Ngona, ona kadoke naga ma duduka itamaha bai!”

Yohanes 2:2

Mutuwade Una de Awi muri-muri lo yakoro so yotagi o rarame magenaka.

Yohanes 6:60

Duma o Yesus Awi dodoto yoiseka, de o nyawa Una wimomote yadadala imatekebicaraka itemo, “Icala! Awi dodoto manena ma ngale gena foloisi datubuso. Nagoona moi o dodoto datotubuso maro komagena yaaku yosigise. Igogou, o nyawa nagoona bato yaakuwa yosigise bai!”

Yohanes 6:66

Idadi komagena, so ona wimomote yadadala asa Una widongosaka so iliho de Una he wimote kawa.

Yohanes 7:10

Ngaroko komagena, o Yesus Awi nonongoru imajoboka, de Una lo done asa womajoboli o rarame magena ka wotagi. Duma Una koloko womapopongoka, la o nyawa upa iwinako.

Yohanes 7:4

O nyawa nakoso yodupa o nyawa yadadala ona yanako gena, ona manga manara gena upa yosipopongoka. So bilasu naaka komagena, nako igogou nodupa Ani manara nosigila-gila gena, ma ngale Ngona bilasu nomasikelelo o nyawa yangodu o duniaka.”

Yohanes 7:5

Manga demo komagena, sababu Awi nonongoruku ona magena yopiricaya waasi Una gena o Salamati ma Kolano.

Rasul 2:14

So kagena o Petrus de o rasul ma somoa yamogiowo de moi imaokoye, de una wobicara o bi nyawa yadadalaka, awi ili walamo-lamo wotemo, “O gianongoru de lo o nyawa ningodu o Yerusalemka nigogoge! Hino la bilasu o hali manena tinisingangasu nginika, so niise nisidodiahi.