Rasul 7:8 - O GIKIMOI AWI JAJI ma BUKU

⁸ So kagena de o Gikimoi wojaji o Abrahamka, de wotemo nako o Abraham awi nyawa la imasunaka, magena o nonako moi yaakaka ma ngale o jaji magena ona lo yodupa. So o Abraham awi ngopa o Ishak wisibuoka, de asa wisuna ma orasi awi umuru o wange tupaangeka. So komagena lo awi ngopa de awi dano o nonako magegena yacoho, ena gena o Ishak wisuna awi ngopa o Yakub de lo o Yakub wasuna awi ngopa yamogiowo de sinoto, ona magena to ngone nanga ete de nanga topora.

Rasul 7:8 ပူးပေါင်းရင်းမြစ်များ

Dodadi 29:31

O Jou Gikimoi wanako o Yakub awi sininga igogou ongo Lea gena womidupawa, ma ngale magegena o Jou aku waaka so ongo Lea done asa de ami roheka de mopuo, duma ongo Rahel gena asa mopuowa.

Dodadi 30:5

Kagena de muna modami so mitilibu, de mowisibuo o ngopa yanau moi ma ngale o Yakub wingopa.

Dodadi 35:16

Dabolo de o Yakub de awi duo-duo ma gila itagi o Betel yodongosa. So itagi kali yakahika o Efrataka, duma yahika ma soaka de o Efrata gena ka ikurusi, de ongo Rahel ami orasi yaado so ami poko dasiri ma ngale mopuo. Duma ami buo ma sangisara datubuso sababu ami ngopa gena isupu iholu.

Dodadi 35:18

Duma he idadi kawa sababu ami sone ma orasi he yaadoka, so ami woma itola waasi de ami ngopa ma ronga mosingangasu lo daboloka, ena gena o Ben-oni, ma ngale ai siri datubuso ma ngopa, dabolo de mosoneka. Duma ma baba gena wisironga o Benyamin (gena ma ngale ai ngopa wihohoromati).

Matius 1:2

Ma nonomaka o Abraham ma ngopa yanau gena o Ishak, o Ishak ma ngopa yanau o Yakub, de o Yakub ma ngopa yanau gena o Yehuda de lo awi gianongoru.

Yohanes 7:22

Ilaha! Ngini gena o Musa winisulo nia ngopa yanau bilasu niasuna, ma sababu magegena so ngaroko o Sabat ma wange lo asa nia ngopa ka niasuna. Gena ngaroko o suna magena igogou ma sihino gena o Musano dasowo, duma idomaka nia ete de nia topora gena o Abrahamno.

Rasul 2:29

O gianongoru, hika nisimaha la ngohi tinisibicara tatotiai ma ngale o Daud gena to ngone nanga topora wilalamo. Igogou una wosoneka de wipoosuka, de awi boosu lo kanagasi to ngone nanga sidongirabaka ma bati o orasi manena.

Roma 4:10

Hika ngini niosininga ma ngale ma orasi o Gikimoi wotemo o Abraham awi sininga gena itiaika. Magena idadi upa ma orasi o Abraham womasuna daboloka, duma ma orasi una womasuna waasi de o Gikimoi wipiricayaka.

Galatia 3:15

Ai dodiao nipipiricayaka, idodooha o Gikimoi wojaji o Abrahamka gena hika ngini ngohi tinisikelelo. Hino la ngone posiade-ade de positero maro o kia naga moi de o orasi isigeto-geto asa idadika. Nakoso o nyawa yasinoto de kanaga ma ngale o kia naga moi gena imatekekajajika de lo o jaji magena isitatapu lo daboloka, ngaroko ona magena ka o nyawa, duma o nyawa nagoona bato yaakuwa o jaji magena yasisa eko lo o jaji magena yatagali.

Galatia 3:17

De magegena ngohi ai edekati la o Gikimoi wijaji o Abrahamka de o jaji magena wositatapu daboloka wotemo, “Igogou! Ngohi Ai jaji ngonaka gena asa taganapuka.” Dabolo so o taungu 430 ipasaka, de ma ngale Una Awi bobita o nyawa bilasu yamote gena wahike. Duma ngaroko komagena, idodoma asa Una Awi jaji o Abrahamka magena upa watilaku. Upa sidago Awi jaji o Abrahamka magena wapiki. Hiwa! O kia naga o Gikimoi wojaji de wosasi lo daboloka, magena yaakuwa itagali.

Ibrani 7:4

So o jarita manena ma rabaka, hika o Melkisedek awi lamo gena niososininga. Nako o Abraham, una magena lo wolamo, sababu una gena ngone o Yahudika ma bi nyawa inangodu nanga baba. Duma ngaroko komagena, una asa o Melkisedek iwihoromati de iwihike awi arata wakokoora o kudotika ma regu mogiowoka.