Matius 9:4 - O GIKIMOI AWI JAJI ma BUKU

⁴ Kagena de manga sininga ma takasiri o Yesus wanako so wotemo, “Upa niafikiri datorou to ngini nia sininga ma rabaka.

Matius 9:4 ပူးပေါင်းရင်းမြစ်များ

Matius 12:25

Kagena de manga sininga ma edekati o Yesus wanako so wotemo, “Tosiade, nakoso o kolano moi de awi doku-doku, eko lo o tahu ma raba moi eko o doku moi la ona magena kanaga imakitinga, cawali o putu de o wange imatekekokangamo, de ma ngale ona manga rimoi gena asa ibiau so isisa.

Markus 12:15

Duma o Yesus wanako to ona manga sihaga so wotemo ona magenaka, “Awadede! Dadoohaso Ngohi nisabatolo. Hika niaahono o pipi ngai moi la Ngohi tanano.”

Markus 2:8

Kagena de manga sininga ma takasiri o Yesus wosihoda, so wotemo, “Upa niapikiri koloko to ngini nia sininga ma rabaka.

Lukas 11:17

Duma igogou manga sininga ma edekati o Yesus wanako so wotemo, “Tosiade, nakoso o kolano moi de awi doku-doku, eko lo o tahu ma raba moi la ona magena kanaga imakitinga, cawali o putu de o wange imatekekokangamo, de ma ngale ona manga rimoi gena asa ibiau so isisa.

Lukas 5:22

Kagena de manga sininga ma takasiri o Yesus wosihoda, so wotemo, “Upa niafikiri koloko to ngini nia sininga ma rabaka.

Lukas 6:8

Duma manga sininga ma takasiri o Yesus wanako, so wotemo o nyawa awi gia isosoneka gena, “Nahino kanena manga simaka nomaokoye.” So igogou una magena wahino kagena womaokoye.

Lukas 7:40

Kagena de o Yesus wotemo o Farisi ma nyawa una magenaka, “Simon, kanaga o kia naga moi todupa totemo ngonaka.” O Simon wotemo, “Iya, Baba Guru, ka notemo bato.”

Yohanes 16:19

Una wanakoka manga gamamu magena tanu yodupa Una iwisano kali, so wotemo onaka, “Kangano manena totemo, ‘Ma cunusi de Ngohi manena asa ngini he nikelelo kawa, dabolo de iteka lo waali de ngini asa Ngohi nikelelo kali.’ Ai demo ma ngale gena komagena de dadoohaso nimatekekasano.

Yohanes 21:17

De kanaga ma para saangeka Una wotemo kali, “Simon, o Yohanes ma ngopa, ngona gena igogou Ngohi noisiningasi?” De kanaga ma para saangeka to Una Awi sano komagenali, so o Petrus awi sininga ipeleso so wagogou-gogou wotemo, “Iya, Jou, komagena. Ngona masirete lo o bi moi-moi dangodu kanaga ka nanako, so ka nanako igogou ngohi manena tonisosiningasi Ngonaka.” So o Yesus asa wotemo kali, “Nako komagena, de ngona bilasu najaga de nasiputuru daloha o nyawa to Ngohi Ai duba-duba ona magena.

Yohanes 6:61

Ngaroko Una gena to ona manga bicara woisewa, duma Una Awi nyawa wimomote manga ridemo gena wanakoka, so onaka wotemo, “Nagala Ai demo kanena naga niiseka so nia sininga gena asa isusa, so he nidupa kawa Ngohi nimote?

Yohanes 6:64

Ngaroko komagena, duma kanaga ngini nimuruo naga niholu niopiricaya.” Komagena o Yesus wobicara, sababu ma nonomasi Una womanara de wanako, igogou done nagoona Awi demo iholu yopiricaya de lo kanaga wimoi done Una Awi lawangika wisiija.

Rasul 5:9

So kagena de o Petrus wotemo munaka, “Dadoohaso ngona de ani roka nimafakati so o Jou Awi Gurumi niwidahake niwikulai, la upa o fanggali niamake. Hika ani ngau naleo de noisesi! O bi nyawa ani roka wipopoosu gena he ilihoka, so ngona lo done nimoku de nisisupu.”

Gogelelo 2:23

Igogou, Ngohi asa tatooma o nyawa ona magena nakoso to muna ami dodoto gena yamote de yacoho. Komagena so o bi gogobu yangodu gena asa yanako igogou-gogou Ngohi manena gena o nyawa ngini ningodu nia sininga ma raba tatailako, de tanako ma ngale nia loha de nia dorou ma sopo done tafanggali de o loha eko lo de o dorou.