Matius 9:2 - O GIKIMOI AWI JAJI ma BUKU

² De kagena o nyawa wolulugu moi o dangiku iwisitide iwingaho o Yesuska. So o Yesus wakelelo manga piricaya ma lamo komagena, de wotemo woluluguka, “Ai ngopa, ani sininga nosiputuru. To ngona ani dorou tosiaponguka.”

Matius 9:2 ပူးပေါင်းရင်းမြစ်များ

Matius 14:27

Duma gila-gila Una waaso de wotemo, “Eh, hika nia sininga niapoputuru! Ngohi manena o Yesus so upa nimodo!”

Matius 4:24

Mutuwade o habari ma ngale o Yesus gena o bi nyawa yogiise de yanako sidago o bi doku o Siria ma daera ma sigilolino, so o nyawa yadadala yahino Unano. O nyawa ona magena yangaho o nyawa yasisiri yadala moi-moi de manga panyake imaketerowa. O nyawa ona magena kanaga manga siri isangisara poli, yakokitoka, yamumusu de lo manga rohe isosone yangodu ona magena Una wasilohaka.

Matius 6:12

De to ngomi mia dorou tanu nosiapongu, imatero maro ngomi lo o nyawa manga dorou gena miasiapongu.

Matius 8:10

Kagena de o Yesus ma kapita awi demo gena woise, de Una wohairani icarawa. Komagena so watemo o bi nyawa iwimomoteka, “Awalele! Nginika tinisingangasu igogou, o bi Yahudika ma nyawa kagena o Israel awi ngopa de awi dano manga sidongirabaka, maro o nyawa una manena awi piricaya ma lamo komanena, gena o nyawa moi lo tamake waasi.

Matius 8:16

Ma orasi he daputu de o nyawa yadala yabisisiri de yabikokitoka yatotota Unaka. De o Yesus yasisiri wasilohaka de yakokitoka manga toka wodusu so imahoika.

Matius 9:22

De Una womakiliho Awi duduka, so womikelelo o ngopedeka muna magena. De wotemo munaka, “He! Ai ngopa, sababu ngona noipiricaya so ngona nilohaka, so ani sininga naputuruno!” So o orasi magena bato igogou o ngopedeka muna magena milohaka.

Matius 9:5

Nako Ngohi totemo, ‘Ani dorou tosiapongu,’ de nakoso imahoi eko hiwa ngini niakelelowa so nianakowa. Duma nako totemo, ‘Nomaoko la notagi,’ de ngini aku niakelelo de nianakoka Ai buturu iwisilohaka.

Matius 9:6

So Ngohi asa towisiloha la asa ninako Ngohi, o Nyawa ma Duhutu manena, o duniaka tahino de Ai kuasaka la nia dorou tasiapongu.” So wotemo woluluguka, “Nomaoko, de ani dangi naaho la noliho.”

Markus 1:32

Ma orasi he daputu de o nyawa yadala yabisisiri de yabikokitoka yatotota Unaka.

Markus 10:49

Kagena de o Yesus womatogu de wotemo, “Tagi la niwiaso una magena.” So ona iwiaso o nyawa wopipilo de itemo, “Nomarihi-rihi! To ngona ani ukuru ma loha sidago o Yesus woniaso, so nomaoko la notagi!”

Markus 5:34

Kagena de Una wotemo o ngopedeka muna magenaka, “He, Ai ngopa! Sababu ngona noipiricaya, so ngona nilohaka. Notagi de upa nohawateri, sababu to ngona ani dubuso de ani siri lo ihiwaka.”

Yohanes 16:33

O bi moi-moi dangodu magegena Ngohi tinisingangasu nginika, la to ngini nia sininga ma rabaka asa nisanangi. Sababu o dunia manenaka ngini kanaga de nia sangisara de lo nia susa. Duma tanu ngini nimaputuru, sababu o bi kia bato o duniaka o Gikimoi wihoholu gena dangodu Ngohi tasitura daboloka.”

Yohanes 2:25

Komagena lo ma ngale o nyawa manga sininga gena upa he o nyawa asa iwisingangasu, sababu igogou Una wanako daboloka.

Yohanes 21:5

De kagena de Una woaso onaka wotemo, “Dodiao, nidooha kagena. O nao niamake, eko hiwa.” Gila-gila ona wisango, “Hiwa!”

Rasul 14:9

O wange moiku ma orasi o Paulus wobicara, de o nyawa una magena kagena womatamiye de awi demo gena wosigigise. So kagena de o Paulus wikeri-keri una magenaka, de wimalo igogou una o Gikimoi wipiricaya so aku wisiloha,

Rasul 19:12

Ena gena, o Gikimoi wiriwo sidago o tuwala moi eko o manara ma baju moi la o Paulus wapapakeka magena ona yaaho o bi nyawa yasisirika, so manga siri lo itoguka de manga toka lo isupuka.

Rasul 23:11

So o putu magena de o Jou Yesus wahino womaokoye o Paulus awi dateka, de wotemo, “Ai ngopa, ani sininga naputuru de upa lo nimodo, sababu o kia ngona nosingangasu dabolo o Yerusalemka ma ngale Ngohi, komagena lo igogou asa ngona nosingangasu kali o Romaka.”

Roma 5:11

De upa kamagena, duma ma boboloi ma ngale o Gikimoi gena ngone inanali kali, sababu o Yesus Kristus nanga Jou waaka so ngone gena igogou dede o Gikimoi aku pomarimoi de pomakadame kali.

Yakobus 2:18

Nagala ai demo idodomaka gena o nyawa ma somoa yaholu, so yotemo nginika, “O nyawa moi womasigocoho cawali awi piricaya o Jou Yesuska, de o nyawa moili asa womasigocoho cawali o loha waaka o nyawaka.” Duma ngohi asa totemo, “Sababu ngini nia loha o nyawaka ihiwa, so ngini lo akuwa nisikelelo nia piricaya magena ngohika. Duma ngohi gena o loha taaka o nyawaka, so komagena lo ai piricaya aku tinisikelelo nginika.