Matius 8:3 - O GIKIMOI AWI JAJI ma BUKU

³ Magena de o Yesus Awi gia watoa de una magena, ngaroko wipapado, duma awi roheka wapada de wotemo, “Ngohi tomode, so nilohaka bato.” So o orasi magena dabolo de una wilohaka so he wipado kawa.

Matius 8:3 ပူးပေါင်းရင်းမြစ်များ

Dodadi 1:3

So kagena de o Gikimoi wotemo, “He! Nita nodadi.” So kagena de imaakaka.

Matius 12:13

De o Yesus wotemo o nyawa awi gia ma sononga isosoneka gena, “Ani gia natoano.” De una awi gia watoa, de o orasi magena dabolo awi gia gena lo dalohaka, maro awi gia ma sonongali.

Markus 1:41

Magena de o Yesus foloi wigalusiri so Awi gia watoa de una magena, ngaroko wipapado, duma awi roheka wapada de wotemo, “Ngohi tomode. So nilohaka bato.”

Markus 4:39

So Una womomi so wotemo o paroka, “Noogo!” De o moku-mokuka wotemo, “Norihi!” De gila-gila o paro magena iogoka, de o talaga magena lo irihika.

Markus 5:41

Dabolo de Una wacoho o ngopa magena ami giaka, de wotemo munaka, “Talita kumi!” O Yahudika manga demo magena ma ngale, “He, Ai ngopa! Nomomi!”

Markus 7:34

O dipaye womamataga so Awi woma walia de wotemo, “Efata!” ma ngale “Ipelenga!”

Markus 9:25

Orasi magena de o Yesus wakelelo o nyawa yadadala yahino iwisidolomu, de Una wodusu o toka magenaka wotemo, “He, toka wisitotopongo de wisimumusu! Ngohi tonisulo nosupu o ngopa manenano, de upa lo nokahinoli.”

Lukas 4:27

Komagena lo ma orasi o Elisa idodomaka, kanaga yapapado yadala o Israel ma tonaka. Duma yapapado gena moi lo o Elisa wasilohawa, ka cawali o Naaman, una o Siriaka ma nyawa.”

Lukas 5:13

Magena de o Yesus Awi gia watoa de una magena, ngaroko wipapado, duma awi roheka wapada, de wotemo, “Ngohi tomode, so nilohaka bato.” So o orasi magena dabolo de una wilohaka so he wipado kawa.

Lukas 7:14

So Una ka wogila-gila wososone awi pandangaka wapada, so o nyawa yomomoku magegena imatogu kasi. De Una o gohiduuru magenaka wotemo, “He! Ngohi tonisulo nomomi!”

Yohanes 11:43

Kagena de Una woaso womatoore Awi ili wolamo-lamo unaka wotemo, “He, Lazarus! Ngona nahinosi kanena!”

Yohanes 15:24

Nakoso Ngohi taakawa o nonako ihahairani, kiaka kanaga o nyawa moi lo waaka waasi, de magena ona manga dorou ihiwa so pasisalawa. Duma o orasi manena, ngaroko kanaga ona o nonako ihahairani magena yakeleloka, duma ona imiduhudu bai Ngohi de lo Ai Baba, so ona igogou de manga salaka.