Matius 8:2 - O GIKIMOI AWI JAJI ma BUKU

² Una iwisiduuruno, de imatodoka o nyawa moi wipapado wakahika Unaka. De wobukuku wosuba, de wotemo, “Baba, nako nomode, de igogou aku noisiloha.”

Matius 8:2 ပူးပေါင်းရင်းမြစ်များ

Matius 10:8

De lo ibipopanyake niasiloha, ibisosone niasioho kali, de yapapado niasilohali de lo yabikokitoka manga toka niodusu. De maro o bi moi-moi niamamake o Gikimoino de nia bangu lo ihiwa, komagena lo ngini bilasu niahike o nyawaka de manga bangu lo ihiwa.

Matius 13:58

Komagena so o riho magenaka o nonako ihahairani idalawa waaka sababu ona manga piricaya ihiwa.

Matius 14:33

So kagena o deruka Awi muri-muri manga suba yatide Unaka de lo itemo, “Igogou, Ngona manena o Gikimoi Awi Ngopa!”

Matius 15:25

Kagena de muna mahino de Awi simaka mobukuku de ami suba matide, de motemo, “Jou, kodo, noiriwo.”

Matius 18:26

Kagena de o gilalo una magena womabukuku wosuba ma kolano awi simaka wibaja, ‘Ya tuangi, kodo! Noisisabari ngohi. Igogou ngohi asa ai nagi dangodu tafangu.’

Matius 2:11

Gila-gila o nyawa icocawaro ona magena iwosa o tahu ma rabaka, de wikelelo o ngopa Una magena ma awa mowitotino. Kagena de ona ibukuku de manga suba yatide Unaka. Dabolo de manga borua yapelenga so o guraci, o manyanyi, de o bi gososo dabobou gena iwihike maro idadi manga suba ma nonako moi Unaka.

Matius 20:20

Dabolo de o Zebedeus ma pedeka de ami ngopa yasinoto yahino o Yesuska. Muna magena momabukuku mosuba Unaka, ma ngale o kia naga moi mogolo.

Matius 26:6

Ma orasi o Yesus o Betania ma dokuka, de Una wotagi o Simon awi tahuka, una magena idodoma wipapado.

Matius 28:17

Kagena asa idadi ona gena Una iwikelelo de ona iwisuba Unaka. Duma manga sidongirabaka yamuruo naga manga siningaka isitatapu waasi.

Matius 28:9

Imatodokano, Una kagena naga imakamake de ona, de wotemo, “Tabea!” De ona imasidate Unaka, de Awi dohu yakololo de iwisuba Una.

Matius 4:9

de itemo, “O moi-moi dangodu manena asa tonihike Ngonaka, hitilahi nobukuku de nosuba ngohika.”

Matius 8:1

O Yesus o talaka de wouti de o nyawa yadala icarawa Una iwisiduuruno.

Matius 8:25

So yotagi iwisimomi de ona imasigaso, “Ya Baba, nomiriwo! Done ngone inasigiloro!”

Matius 9:18

O Yesus gena o Yohanes wooosi awi nyawa wimomote wabobicara de wadoto dabolo waasi, de o nyawa moi asa wahino, una magena o puji ma tahu wapopareta. So o Yesus Awi simaka wosuba wobukuku, de wotemo, “Baba, ai ngopa o ngopedeka moi asa ka mosoneku. Tanu nahino noimote la hiti nomipada, de asa mooho kali.”

Lukas 4:27

Komagena lo ma orasi o Elisa idodomaka, kanaga yapapado yadala o Israel ma tonaka. Duma yapapado gena moi lo o Elisa wasilohawa, ka cawali o Naaman, una o Siriaka ma nyawa.”

Yohanes 9:38

De wopipilo kawa magena foloisi winali de wotemo, “Awalele, Jou! Igogou, de tagogou tonipiricaya Ngonaka gena Una magena.” So womabukuku de wisuba Unaka.

Rasul 10:14

Duma o Petrus wosango wotemo, “Hiwa, Jou! Ngohi taakuwa taodo o bi namo de o bi haiwani mote ngomi o Yahudika mia adati de mia galepu magena misibobosoka.”

Rasul 10:25

Ma orasi o Petrus asa womasidiado, o Kornelius wotagi wisibubusu so o Petrus awi simaka wobukuku de awi suba watide.

1 Korintus 14:25

So o bi moi-moi manga siningaka imamingihu gena asa isikelelo, sidago ona imabukuku o Gikimoi Awi simaka itemo, “Igogou! O Gikimoi kanaga nia sidongirabaka.”

Gogelelo 19:10

So kagena de ngohi asa to una awi simaka tobukuku la ai suba tatide unaka. Duma una wosibicara wotemo ngohika, “Upa! Ngohi gena ka to ngini nia dodiao moi o Gikimoi Awi sosulo, imatero maro ngona de lo ani dodiao ona o habari ma ngale o Yesus Kristus yosihohabari. So tanu ka o Gikimoi Una magenaka asa ngona nosuba. Sababu o bi nabi ona yangodu lo, bai o orasi manena bai o orasi ipapasaka, ma ngale o Yesus Awi dodoto itotiai gena yosingangasu daboloka.”