Matius 4:9 - O GIKIMOI AWI JAJI ma BUKU

⁹ de itemo, “O moi-moi dangodu manena asa tonihike Ngonaka, hitilahi nobukuku de nosuba ngohika.”

Matius 4:9 ပူးပေါင်းရင်းမြစ်များ

Matius 26:15

de wotemo onaka, “Nakoso ngohi o Yesus towisidoa nginika, de o kia asa nihike ngohika.” So ona magena asa yaeto de wihike o pipi o salaka moruwange unaka.

Matius 4:10

Magena de o Yesus wotemo, “Hiwa, Iblis! Ngosoku ma deda noloda. Sababu kanaga o Bukuka isilefoka, ‘Bilasu nowisuba nanga Jou Gikimoika de cawali Una nowileleani.’ ”

Yohanes 12:31

Ma orasi gena he yaadoka ma ngale o dunia ma bi nyawa Ngohi ihoholu, ona magena o Gikimoi wasisala so bilasu ona dede o Gikimoi imakitingaka, komagena lo kiaka una o nyawa magena wapopareta, ena gena o Iblis lo wisituraka.

Yohanes 13:3

Duma o Yesus wanakoka kanaga ma Baba Gikimoi wihike dabolo Unaka o kuasa so aku o bi moi-moi dangodu wapareta, de Una lo wanakoka Awi sihino o Gikimoino so kanaga asa woliho Unaka.

Yohanes 14:30

So iteka kawa, Ngohi aku o bi moi-moi ngini tinidoto de tinisingangasu kali. Sababu nako o dunia ma bi nyawa o Gikimoi wihoholu ona gena, ma orasi he yaadoka la kanaga una ona wapopareta, ena gena o Iblis, he womasidiadoka. De una magena waakuwa Ngohi woipareta.

Yohanes 16:11

Ma ngale moili gena wasinako igogou, Una asa wafanggali de o loha eko de o dorou, sababu o dunia ma bi nyawa o Gikimoi wihoholu gena una wopopareta, o Iblis gena, igogou wisisalaka.

2 Korintus 4:4

Ona gena yopiricayawa, sababu o Iblis o dunia manena wapopareta gena manga sininga wosigamamu, de lo wosipilo la o habari daloloha ma nita magena asa yakelelowa. So ona yanakowa ma Kristus wokokuasa, kiaka wisitetero de o Gikimoi.

1 Timotius 3:6

De lo una magena idadiwa wopopareta nakoso o Jou Yesus iwipiricaya iteka waasi, sababu nako komagena done una asa womacaralamo ifoloi de wotemo dangodu ka wanako, de ma duuru o Gikimoi asa wisisala. Magena imatero de o Iblis lo idomaka asa womacaralamo so o Gikimoi iwisisala.

Gogelelo 19:10

So kagena de ngohi asa to una awi simaka tobukuku la ai suba tatide unaka. Duma una wosibicara wotemo ngohika, “Upa! Ngohi gena ka to ngini nia dodiao moi o Gikimoi Awi sosulo, imatero maro ngona de lo ani dodiao ona o habari ma ngale o Yesus Kristus yosihohabari. So tanu ka o Gikimoi Una magenaka asa ngona nosuba. Sababu o bi nabi ona yangodu lo, bai o orasi manena bai o orasi ipapasaka, ma ngale o Yesus Awi dodoto itotiai gena yosingangasu daboloka.”

Gogelelo 19:16

So to Una Awi jubaka de lo Awi uguka kanaga yalefoka o ronga moi, ena gena, O Jou Wilalamo de o Kolano Wokokuasa.