Matius 4:8 - O GIKIMOI AWI JAJI ma BUKU

⁸ Kagena de o Iblis iwingaho kali o tala moi ikukuru-kuruye, so ma dokuka de wisikelelo o dunia ma bi bangsa dangodu ma loha de ma kaya Unaka,

Matius 4:8 ပူးပေါင်းရင်းမြစ်များ

Matius 16:26

Ngaroko o nyawa moi o dunia de ma raba manena he dangodu ka to una, duma dangodu magena ma faida ihiwa, nakoso ma duuru una wamakewa o oho ka sidutu ikakali. Sababu o oho ka sidutu ikakali gena niamakewa de o guraci de o salaka nisitagali, eko lo akuwa niaija de o pipi.

Matius 4:5

Kagena dabolo de o Iblis o Yesus iwingaholi o Yerusalemka, eko o kota datetebika, de iwihado kadaku o Gikimoi Awi Tahu ma ponaka,

Yohanes 5:20

Ai Baba Una magena igogou de Awi siboso Ngohika, de asa Awi manara masirete dangodu gena woisidumu Ngohika. De o manara ma somoali gena kanaga ma ngale foloisi ilalamo done asa Ngohi woisidumu la Ngohi taaka, gena ngaroko o nyawa ona isoneka de Ai Baba aku wasioho kali. Komagena imatero maro Ngohi lo to Una Awi Ngopa so aku tasioho kali kiaka o nyawa nagoona la Ngohi tadudupa. De ma orasi magena ngini asa foloisi niohairani de moi lo he nibicara kawa.

1 Petrus 1:24

Maro o kia naga isilelefo idomaka o Gikimoi Awi Jaji ma Buku ma rabaka itemo, “O nyawa manga rohe done isone, maro o dumule asa damalai, so maena ioho itekawa de isone. De o nyawa manga giliri masirete done isisa, maro ma doori ipago so ituraka.

Gogelelo 11:15

De o malaikat ma tumudingi awi trompet asa wawuwu kali, de kanaga o sorogaka o bi ili ilalamo, de itemo, “Wokokuasa o dunia ma bi doku dangodu gena, wakuasa de wapareta maro o kolano, gena o orasi manena kanaga to ngone nanga Gikimoi Awi gia ma sohaka de lo o Salamati ma Kolano wonasijajajika. Una magena asa wopareta ka sidutu ikakali.”