Matius 27:52 - O GIKIMOI AWI JAJI ma BUKU

⁵² O bi boosu ma diaru ipelenga de o Gikimoi Awi nyawa isosone imomi so ioho kali.

Matius 27:52 ပူးပေါင်းရင်းမြစ်များ

Yohanes 11:11

So hino Ai muri-muri, kanaga nanga dodiao o Lazarus gena wikioloka so Ngohi kagena totagi unaka, ma ngale una magena Ngohi towisimomi.”

Rasul 7:60

De lo wobukuku de womatoore awi ili walamo-lamo, “Jou, upa lo o dorou manena nasimoku onaka!” Wotemo komagena, dabolo de wosoneka.

1 Korintus 11:30

Komagena so ngini kagena nidala nilamahang, de nipanyake, de nia dodiao yamuruo naga lo isoneka.

1 Korintus 15:20

Duma ma Kristus igogou-gogou o soneno iwisioho kali. De Una iwisioho kali wodomaka la wodadi maro o jaji moi, kiaka to Gikimoi Awi nyawa nakoso isone de done asa ona lo wasioho kali.

1 Korintus 15:51

Nimasidodiahi! Ngohi asa ngini tinisingangasu o kia naga moi o nyawa yananako waasi de o orasi manena o Gikimoi kanaga wonasimane ngoneka. Done ma orasi o Jou Yesus wahino kali gena, ngone posone inangodu waasi, de ngaroko poohosi eko posoneka, duma inangoduka asa o rohe damomuane pamake.

1 Tesalonika 4:14

Ngone popiricaya igogou ma orasi o Yesus wosoneka, de o Gikimoi asa wisioho kali. Mutuwade ngone lo popiricaya o nyawa nagoona o Yesus iwipiricayaka la isone, ona magena done asa o Gikimoi wasioho kali de lo o Yesus watolomu so ona wangaho.

1 Tesalonika 5:10

O Yesus wosoneka ma ngale o orasi ma simaka Una wahino kali, de bai ngone pooohosi bai ngone pososoneka, ngone inangodu asa pooho dede Una.