Matius 26:7 - O GIKIMOI AWI JAJI ma BUKU

⁷ Kagena asa o ngopedeka moi mahino o Yesusno, de o gososo dabobou de ihahali o rube moi o teto ihahalino maaho. So de Una wogogeku woodo de o ngopedeka muna magena o gososo dabobou gena moguse Awi saheku de mowisidahu.

Matius 26:7 ပူးပေါင်းရင်းမြစ်များ

Lukas 7:46

Ngona gena ngaroko nanga biasa, duma Ai saheku o gososo nosiesewa, duma muna manena o gososo dabobou de ihahali mosidahuka Ai dohuku.

Matius 26:8

Magegena de Awi muri-muri yakelelo o kia naga o ngopedeka muna magena maaka, de ona asa yatoosa de itemo, “Ce! Nakoso o gososo dabobou magena posiija de ma ija pahali-haliku, la ma pipi de asa o nyawa isususaka pahike. Duma muna mapoosa. We, ma ngale ka maumo!”

Markus 14:3

Ma moiku o Yesus woodo o Betania ma dokuka, kagena o Simon awi tahuka, una magena idodoma wipapado. Kagena asa o ngopedeka moi mahino o Yesusno, de o gososo dabobou de ihahali o rube moi o teto ihahalino maaho, o gososo magena yaaka o bi ngutu dabobouno. Gila-gila o rube ma tolo magena mapolote so o gososo dabobou gena moguse Awi saheku de mowisidahu.