Matius 22:9 - O GIKIMOI AWI JAJI ma BUKU

⁹ So nitagi bato o bi ngeko ilalamoka, de o nyawa niamamake kiano bato de nagoona bato niakoro ona yahino o kawi ma rarame manenaka.’

Matius 22:9 ပူးပေါင်းရင်းမြစ်များ

Matius 20:7

Ona yosango yotemo, ‘Ngomi o manara mimasimake waasi.’ So ma doro ma duhutu magena wotemo, ‘Nako komagena, nitagi la ai doroka nimanara.’ So ona lo yotagi imanaraka.

Matius 22:10

Magena de wileleleani ona magena yotagi o bi ngekoka, la o nyawa yamamake yangodu yatolomu, ngaroko o nyawa ma loha eko o nyawa ma dorou gena, dadoohawa. So ma duduuruka de ma rarame ma tahu magena asa iwedoka de o nyawa yakokoro.

Matius 22:8

Dabolo de una lo awi nyawa wileleleanika wotemo, ‘O kawi ma rarame isidailakoka dabolo duma itiaiwa o nyawa takokoroka ona magena iholu so yahino.

Lukas 24:47

De o habari daloloha gena bilasu de to Ngohi Ai ronga isihabari ma meta o bi nyawa yangoduka, la ma ngale ona manga dorouno imatoba de imatoduba de lo o Gikimoi waapongu. O habari magena bilasu isihabari ma meta o bi bangsa ma nyawa yangoduka, ma nonomaka o Yerusalemka.

Rasul 13:47

Sababu o Gikimoi womisulo ngomi gena komanena, ‘Ngohi tonisitatapu ngona la nodadi maro o nita moi o bi nyawa ma somoaka ngaroko ona magena o Yahudika yasowo, la ma ngale ngona o nyawa yangodu o dunia ma dokuka aku isisalamati.’ ”

Efesus 3:8

Nako ngohi de o Gikimoi Awi nyawa ma binuka, de igogou ona magena foloisi yolamo de ngohi. Ngaroko komagena, duma ngohi gena o Gikimoi Awi laha so asa woihike o manara la o habari daloloha tosihabari ngini o Yahudika ma nyawa nisowo. O habari ma ngale gena ma Kristus Awi laha foloisi ilalamo kekiaka paakuwa patuga.

Gogelelo 22:17

O Gurumi Datetebi de o jojaru muna o Duba ma Goho womijajaji done wokawi, ona magena asa itemo, “Niahinosi!” De o nyawa la kanaga o demo moi-moi gena yoiseka, bilasu ona magena lo itemo, “Niahinosi!” De o nyawa nagoona la kanaga manga kiri dadududu, hika ona magena yahinosi. So o nyawa nagoona bato la nakoso ponyafusu, hika o oho ma ake ma jobubu gena o nyawa yaudo la yasioho ka sidutu ikakali, de magena pofangu lo waali.