Matius 21:3 - O GIKIMOI AWI JAJI ma BUKU

³ Nakoso o nyawa nisano nginika, de nitemo onaka, ‘O Jou wodupa wapake bai!’ Dabolo de ona magena jai-jai bato nisimaha la aku niaaho.”

Matius 21:3 ပူးပေါင်းရင်းမြစ်များ

Matius 21:2

De Una wotemo onaka, “Nitagi o doku magenaka. La kagena o dokuka niwosa, de ngini asa niakelelo o keledai ma bedeka moi yapilikuka de lo ma goho moi. Ngai sinoto magena ma bobiliku niasose de niaahono kanena.

Matius 21:4

O bi moi-moi dangodu magena bilasu idadi de imaaka la isiganapuka, imatero maro o kia idomaka o Gikimoi Awi demo ma nabi Yesaya wosilefo daboloka, ena gena,

Yohanes 17:2

Sababu ma ngale o bi nyawa yangodu Ngona o kuasa noihike Ngohika, la o bi nyawa Ngohi noihihikeka, ona magenaka aku Ngohi tahike o oho ka sidutu ikakali.

Yohanes 3:35

Ma Baba Gikimoi widodara igogou ma Ngopaka de lo wisiputuru sidago o bi moi-moi dangodu lo aku wapareta.

Rasul 17:25

De ma boboloi Una o nyawa powiriwo paakuwa, sababu ka cawali Una waaka so ngone o nyawa aku pooho de lo powoma, de Una lo o bi moi-moi dangodu wonahike ngoneka.

2 Korintus 8:16

Ngomi mia sukuru miatide o Gikimoika, sababu Una magena waaka so maro ngomi mikaeli komagena lo o Titus de awi gaelika so womode ngini winiriwo.

2 Korintus 8:9

Upa ngohi ngini tinisulo, sababu ngini masirete nianako nanga Jou Yesus Kristus Awi laha gena ilamo poli ngoneka. Ngaroko o sorogaka Una igogou wokaya, duma Awi kaya gena dangodu ka wapalako ma ngale womadadi o nyawa wosususa moi. Komagena waaka la ngone gena aku o Gikimoi Awi simaka asa podadi pokaya.

Yakobus 1:17

De o moi-moi daloloha de itotiai kanaga ngone inahikeka, dangodu magena ma sihino nanga Baba Gikimoino. De lo Una magena Awi sininga de Awi edekati ngoneka gena ingaliwa, so o dorou moi lo upa ngone wonasidumu. Sababu ka Una magena dabolo o nita moi-moi isisiwa o dipaka gena, Una wosidadika. De Una gena upa powisitero de o wange, sababu o wange lo done asa itumu de ngone gena o bubutu ma rabaka inadongosaku. Duma o Gikimoi gena asa o orasi isigeto-geto ngone Awi laha wonasidumu, sababu Awi sininga ma edekati ingaliwa.