Matius 2:2 - O GIKIMOI AWI JAJI ma BUKU

² So kagena o Yerusalemka imasidiadoka, de ona o bi nyawaka yosano hika de hino itemo, “Ngomi manena miakelelo o dipaka o ngoma moi ibao o wange ma nyonyieka, de o ngoma magena misinonako kanaga o ngopa moi wisibuo la done asa wodadi o Yahudika manga kolano. De o ngoma magena itagi yakahisa so miamote la ma ngale miwisari de miwisuba Unaka. So Una magena Awi riho kiaka, tanu nimisidumu ngomika.”

Matius 2:2 ပူးပေါင်းရင်းမြစ်များ

Matius 2:3

So de ma Kolano Herodes wogiise o habari magena, de una wimodo de awi sininga isusa, de lo ma ngale manga kolano gena nagala done wadoosa so o Yerusalemka ma bi nyawa lo yadala yamodo de manga sininga isusa.

Matius 21:5

“Bilasu nasingangasu o Yerusalemka yangodu, ‘Niwinano, nia kolano he womasidiado. Una womahadoku de o keledai ma ngopaku wopane, gena o keledai ma gohoku.’ ”

Matius 27:11

So o Yesus witota ma Gubernur Pilatuska, de o Pilatus wisano Unaka, “So igogou Ngona manena o Yahudika manga kolano?” De Una wotemo, “Iteroka, maro o kia ngona notetemoka.”

Lukas 19:38

So itemo, “Igogou! Ma Kolano wahino de o Jou Awi ronga. So tanu Una magenaka o Gikimoi Awi laha wisicatu. Hino powigiliri o Gikimoi Wikukuruye, sababu Una Awi sininga daloha ngoneka!”

Lukas 2:11

O putu manena kagena ma kolano Daud awi doku o Betlehemka o ngopa yanau moi wisibuo. Una magena wodadi o kolano la ma ngale ngini o dunia ma nyawa nia dorouno bilasu winisisalamati, ena gena ma Kristus, nanga Jou.

Lukas 23:3

So o Pilatus wisano Unaka, “So igogou Ngona manena o Yahudika manga kolano?” De Una wotemo, “Iteroka, maro o kia ngona notetemoka.”

Lukas 23:38

Awi sangahadika Awi sahe ma dokuye yalefo ma demo itemo: una manena o yahudika manga kolano.

Yohanes 1:49

Kagena de o Natanael wotemo, “Wewe! Baba Guru, so Ngona ka noinako bai! Igogou-gogou, Ngona gena o Gikimoi ma Ngopa. Ngona manena o Israelka ma nyawa manga Kolano.”

Yohanes 12:13

De ona o gota ma daara de ma sosokaka, kiaka manga doroka yadeheka, so yaaho de yangodu itagi Una wisibubusu, de asa ona imasagaga de imatoore itemo, “O Gikimoi powigiliri! Igogou! Una wahino de o Jou Awi ronga. Una ngone o Israelka ma nyawa nanga Kolano. So tanu Una magenaka o Gikimoi Awi laha wisidumu.”

Yohanes 18:37

So una wotemo, “Ce! So Ngona gena igogou o kolano moi.” De o Yesus wosango unaka wotemo, “Itero. Maro ngona notetemo, Ngohi gena igogou o kolano moi. Ngohi gena isibuoka, so o dunia ma rabaka tahino gena, kanaga de Ai ngale moi ena gena aku Ngohi o dodoto itotiai o nyawaka tasingangasu. De nakoso o nyawa la o dodoto itotiai gena yodupa yadehe, ona magena asa Ngohi isigise dalohaka.”

Yohanes 19:19

De ma gubernur wosulo isilefo to Una Awi sangahadi ma dokuka o galaki ma demo itemo: o yesus o nazaretka ma nyawa o yahudika manga kolano.

Yohanes 20:28

So o Tomas wotemo, “We! Ngona gena igogou ai Jou de lo ai Gikimoi tonisusuba.”

Yohanes 5:23

duma Ngohi taaka la ma ngale o nyawa yangodu asa Ngohi ihoromati, imatero de wihoromati Ai Babaka. So o nyawa nagoona la kanaga Ngohi ihoromatiwa, magena imatero de ona lo manga horomati ihiwa Ai Babaka, kiaka Una woisuloka la Ngohi tahino.

Yohanes 9:38

De wopipilo kawa magena foloisi winali de wotemo, “Awalele, Jou! Igogou, de tagogou tonipiricaya Ngonaka gena Una magena.” So womabukuku de wisuba Unaka.

Ibrani 1:6

De ma ngale o Gikimoi ma Ngopa womatetengo gena kanaga foloisi wolamo so ma orasi wisulo Una gena wouti o duniaku, de o Gikimoi lo wotemo komanena, “To Ngohi Ai malaikat ona yangodu bilasu Ai Ngopa magena iwisuba.”

Gogelelo 22:16

Ngohi manena, Yesus, la to Ngohi Ai malaikat towisulo una wotagi o bi moi-moi dangodu magena winisingangasu o bi gogobu ningoduka. Ngohi manena o Daud awi ngopa de awi dano, de lo maro o ngoma o koru ngaroko ma orasi o wange ibaoka de kanaga o ngoma magena ka isiwasi.”