Matius 19:3 - O GIKIMOI AWI JAJI ma BUKU

³ O Farisika ma nyawa yamuruo naga yahino kali, de manga edekati Una Awi sala yasari so itemo, “Mote nanga agama ma bobita, aku o nyawa manga pedeka yaholu, ngaroko ma sababu ka ma cunu?”

Matius 19:3 ပူးပေါင်းရင်းမြစ်များ

Matius 16:1

O Farisika de lo o Sadukika yamuruo naga yahino o Yesuska, de manga edekati Una Awi sala yasari. Ona igolo Unaka itemo, “Hika naaka o manara maro o nonako moi o dipaka gena igogou Ngona nisihino o Gikimoino.”

Matius 22:35

Manga sidongirabano o guru agama moi wahino o Yesuska, de ma ngale Una iwisabatolo de o sosano moili, de wotemo,

Markus 10:2

O Farisika ma nyawa yamuruo naga yahino kali, de manga edekati Una Awi sala yasari so itemo, “Mote nanga agama ma bobita, aku o nyawa manga pedeka yaholu?”

Markus 12:13

Kagena de o Yahudika manga roriri ona magena o Farisika de o Herodes awi nyawa yamuruo naga yasulo itagi la o Yesus iwisabatolo de o sosano moi.

Markus 12:15

Duma o Yesus wanako to ona manga sihaga so wotemo ona magenaka, “Awadede! Dadoohaso Ngohi nisabatolo. Hika niaahono o pipi ngai moi la Ngohi tanano.”

Yohanes 8:6

Komagena ona de manga gulai yahino Unaka, sababu ona manga edekati gena asa Una iwisabatolo, la ma ngale ona aku iwikalaki Una o Gikimoi Awi bobita o Musa wosilelefo gena walawangi. Duma Una asa wobicarawa de ka womapuguku de Awi raraga o tonaku wosilelefo.

1 Korintus 7:10

De nako o nyawa ikawi daboloka, ona magenaka ngohi tosulo o kia naga moi, ena gena o Jou Yesus Una masirete wodedemo idomaka, wotemo o ngopedeka bilasu upa ma roka mowidongosa.