Matius 16:3 - O GIKIMOI AWI JAJI ma BUKU

³ De lo nako o goginitano, de ngini nitemo, ‘O wange manena asa imuura, niakelelo o lobi kogena idolaka de lo ma dipa dasosawalaka.’ Ngini nianako daloha idodooha de o dipa niatailako. Duma nianakowa idodooha nianano o kia naga o orasi manena o Gikimoi waaaka.]

Matius 16:3 ပူးပေါင်းရင်းမြစ်များ

Matius 11:5

Ena gena o nyawa ibipipilo imasigeleloka, ibilulugu itagika, yabipapado yalohaka, de yabitotopongo imasigiseka, de isosone yasioho kali de lo o habari daloloha isihabari o bi nyawa isususaka.

Matius 15:7

Igogou, ngini manena nikokulai! So itero maro ma nabi Yesaya wotemo idomaka de wosilefoka ma ngale ngini manena

Matius 22:18

Duma o Yesus wanako to ona manga edekati ma dorou so wotemo ona magenaka, “Awadede, ngini nikokulai! Dadoohaso Ngohi nisabatolo.

Matius 23:13

O bodito! Kodo! O bodito asa inidahe ngini o bi guru agama de lo o bi Farisi ma nyawaka. Ngini nikokulai! Ngini niasimahawa o nyawa, nakoso kanaga yodupa yodadi o Gikimoi Awi nyawa. Ngini masirete lo niholu nidadi o Gikimoi Awi nyawa, so o nyawa la yomode yodadi Awi nyawa, ona magena igogou ngini ka niafati. [

Matius 4:23

Dabolo de o Yesus o Galilea ma bi doku wakiloli so wahika manga puji ma bi tahuka wodoto de o habari daloloha wosihabari ma ngale o Gikimoi asa wopareta. De lo o nyawa yasisiri de yopopanyake gena yangodu wasiloha.

Matius 7:5

He! Ngini manena nikokulai! Ma nonomaka ngini bilasu o ifa moi yodebesu to ngini nia lako masireteka nisisupu kasi. Dabolo la nia lako datebika, de asa idadi so o gaapo nia dodiao manga lakoka gena aku niakelelo so nisisupu kali.”

Lukas 11:44

O bodito! Kodo! O bodito asa inidahe nginika, sababu ngini gena maro o boosu kiaka ma riho pananakowa, so o boosu magena o nyawa yapito, duma yanakowa kagena ma rabaka o kia naga damemela. Ngini gena ma duduka daloha, duma nia sininga ma rabaka datorou.”

Lukas 12:56

Ngini nikokulai! Ngini nianako daloha idodooha de o dipa de o dunia niatailako. Duma nianakowa idodooha nianano o kia naga o orasi manena o Gikimoi waaaka.”

Lukas 13:15

So o Jou Yesus wotemo, “He! Ngini manena nikokulai! Ngini ningodu, nakoso nia sapi eko nia jara gena, ka daloha o Sabat ma wangeka niasose de niaaho nisisupu la o ake nisiudo.

Ibrani 5:14

Duma o ino datotogoi gena ma ngale o nyawa la kanaga yalamoka, ena gena ona la kanaga o dodoto itotiai magena yososininga, sidago lo ona aku yanako itiai de lo o kia naga itotiai de o kia naga isasala gena lo aku yatuga itiai.