Matius 13:57 - O GIKIMOI AWI JAJI ma BUKU

⁵⁷ So ona yodupa kawa yoise maro o kia Una wotetemo gena. Kagena de Una wotemo onaka, “O nabi moi asa iwisihoromati gena o bi doku de o bi soa ma somoaka, duma ka cawali awi doku de awi soaka de awi gianongoru de awi awabira gena iwihoromatiwa.”

Matius 13:57 ပူးပေါင်းရင်းမြစ်များ

Matius 11:6

O nyawa la kanaga ma ngale Ngohi gena idodatowa de ipiricaya daputuru, ona igogou yosanangi.”

Matius 13:58

Komagena so o riho magenaka o nonako ihahairani idalawa waaka sababu ona manga piricaya ihiwa.

Markus 6:1

O Yesus de Awi muri-muri imajobo so itagi to Una Awi soa de Awi dokuka.

Markus 6:14

Ma orasi magena ma Kolano Herodes Antipas woise ma ngale o Yesus de Awi nonako ihahairani, sababu kagena o nyawa yadadala yaaka idadi manga uru ma beto. Sidago yaado o doku de o soaka so o bi nyawa itemo, “O Yesus gena o Yohanes Wooosi de Una asa wooho kali! Ma sababu magegena Una wamake o buturu la waaka o nonako ihahairani.”

Markus 6:3

Igogou! Una manena cawali o tahu woaaka moi, ma awa gena ongo Maria, de Awi nongoru o Yakobus, o Yoses, o Yudas de o Simon. De Awi bira lo kanena igoge so pomasihie moi.” So ona yodupa kawa yoise maro o kia Una wotetemo gena.

Markus 6:4

Kagena de Una wotemo onaka, “O nabi moi asa iwisihoromati gena o bi doku de o bi soa ma somoaka, duma ka cawali awi doku de awi soaka de awi gianongoru de awi awabira gena iwipiricayawa.”

Lukas 4:24

Duma ngini gena tinisingangasuli igogou, nakoso o nabi moi kanaga to una awi doku masireteka wogoge gena asa iwihoromatiwa.

Lukas 7:23

O nyawa la kanaga ma ngale Ngohi gena idodatowa de ipiricaya daputuru, ona igogou yosanangi.”

Yohanes 4:44

Una wotagi kagena to Una Awi doku masireteka, ngaroko ipapasaka wotemo, “Nakoso o nabi moi kanaga to una awi doku masireteka wogoge gena asa iwihoromatiwa.”

Yohanes 6:42

De ona imatekekasano itemo, “Una magena igogou ka o Yusuf awi ngopa, eko idodooha. Ngone ka panako to Una Awi baba de Awi awa. Ce! De dadoohaso Una aku wobarani sidago lo wotemo, ‘Ngohi gena o sorogano tokahino.’ ”

Yohanes 6:61

Ngaroko Una gena to ona manga bicara woisewa, duma Una Awi nyawa wimomote manga ridemo gena wanakoka, so onaka wotemo, “Nagala Ai demo kanena naga niiseka so nia sininga gena asa isusa, so he nidupa kawa Ngohi nimote?