Matius 13:51 - O GIKIMOI AWI JAJI ma BUKU

⁵¹ Dabolo de o Yesus Awi muri-muri wasano wotemo, “Idodooha Ai ade-ade dangodu magena ngini nisihodaka.” Ona itemo, “Miosihodaka bolo.”

Matius 13:51 ပူးပေါင်းရင်းမြစ်များ

Matius 13:11

So Una wotemo onaka, “O kia ngini niananakowa sidago o orasi manena upa o nyawa yadadalaka, duma ka ngini manena o Gikimoi winihiri la winihike o ade-ade ma ngale, so dangodu aku nianako ma ngale idodooha Una wokolano de wopareta.

Matius 13:19

O gisisi ma binuka o ngekoka o namo yaodo gena, imatero bato o nyawa yoiseka o Gikimoi Awi habari, duma yosihodawa, so o Iblis wahino de wakoora to ona manga sininga ma rabano so isisaka.

Matius 13:50

Dabolo de o bi nyawa ma dorou ona magena yaumo o uku isosora-sora ma rabaku, kiaka ona asa yoari de lo yosangisara.”

Matius 13:52

Kagena de Una lo wotemo onaka, “Nako komagena, de kanaga o ade-ade moili komanena: Nakoso o guru agama moi kanaga wogolo la o dodoto ma ngale o Gikimoi Awi pareta gena widoto, de o guru agama magena aku wisitero maro o tahu ma duhutu moi, ena gena awi kaya eko awi arata magena ma ngihino wosisupu de wasikelelo awi arata damomuane de lo awi arata idodoma.”

Matius 15:17

Dadoohaso ngini niasahewa, ena gena o kia naga iwosa nia pokoku so ma duuru de nisihoho so isupu kali. Magena upa nitemo inisitorou o Gikimoi Awi simaka.

Matius 16:11

Ngohi ngini tinisitiari gena ma ngale o roti dasowo. So, idodooha nianakowa eko niasihoda waasi. Nimasitiari ma ngale o Farisika de o Sadukika manga ragi bai!”

Matius 24:15

“Idodomaka ma nabi Daniel wosingangasu done o orasi ma simaka o kia naga moi isironga ‘O Dorou Ilalamo’ gena asa niakelelo isituraba o Gikimoi Awi Tahu. (Nako niabaca gena bilasu niatailako nisidodiahi o demo manena ma ngale.)

Markus 4:34

Ka cawali o ade-ade maro komanena o Yesus wadoto o nyawa ona magenaka, duma o ade-ade ma ngale magena to Una Awi muri-murika wasingangasu wasitotiaika.

Markus 7:18

Kagena de Una wotemo onaka, “Ce! So niiseka de ka niasahe waasi! Dadoohaso ngini niasahewa, ena gena o kia naga una waodoka una magena o dorouka wingahowa, so upa nitemo una witorou o Gikimoi Awi simaka.

1 Yohanes 5:20

De ngone lo panako o Gikimoi ma Ngopa wahino daboloka, de Una lo wonasinako ngoneka la ngone gena de o Gikimoi wototiai igogou powinakoka. Ngone de o Gikimoi gena pomatekerimoika, de ngone lo dede ma Ngopa o Yesus Kristus lo pomatekerimoika. So, ai ngopa-ngopa tinisosininga, igogou-gogou ma Kristus Una magena o Gikimoi wototiai de Una magena lo o oho ka sidutu ikakali.