Matius 13:44 - O GIKIMOI AWI JAJI ma BUKU

⁴⁴ O Yesus wotemo, “Nakoso ngini nidadi o Gikimoi Awi nyawa Awi pareta ma rabaka, magena foloisi daloha. Magena idadi de imatero maro o ade-ade manena: O nyawa moi kanaga wamake o guraci o tona ma rabaka, maena gena foloi ihali, de gila-gila watalake kali. Kagena de una awi sininga ma nali, so una asa wotagi awi tahuka, de awi arata dangodu wosiija de womakiliho so o tona, kiaka o guraci wamamake gena, waija.

Matius 13:44 ပူးပေါင်းရင်းမြစ်များ

Matius 13:24

O Yesus wosijaritali o ade-ade moi o nyawa yadadalaka wotemo, “O Gikimoi wopareta gena, posiade-ade imatero maro o nyawa wototoro moi o gisisi o tamo daloloha wosihaja awi doroka.

Matius 13:46

Ma orasi una o mutiara moi ihahali wamakeka, de una wotagi awi arata dangodu wosiija, de asa wotagi o mutiara magena waija.”

Matius 13:47

“Ma orasi idadi o Gikimoi wopareta o duniaka, magena imadadi imatero maro o ade-ade manena: O soma ilalamo moi yaumo o talagaku, de yamake o bi nao daloloha de lo o bi nao datotorou.

Matius 19:21

O Yesus witemo unaka, “Nakoso nomode la o Gikimoi Awi dodara ma manara gena naaka itiai, de ngona gena notagi kasi la ani kia bato nosiija de ma pipi o nyawa isususaka nasitoku, la ngona asa namake o arata ma duhutu o sorogaka. Daboloka, de nahino la noimote Ngohi.”

Matius 19:27

De o Petrus wotemo, “He! Ngomi manena mia moi-moi lo dangodu miodongosaka so Ngona minimoteka, so o kia asa miamake.”

Matius 19:29

De o nyawa nagoona manga tahu yodongosaka, eko manga gianongoru de manga awabira, eko manga awa de manga baba, eko manga ngopa-ngopa eko lo manga doro sababu ma ngale Ngohi, ona magena asa yamake ma giliho sidago ma para o ratu moi de lo yamake o oho daloloha de ikokakali.

Matius 6:21

Sababu kiaka bato to ngini nia kaya niadiahi, done kagena lo to ngini nia sininga yogapala.”

Lukas 14:33

So komagena lo ngini, nakoso o bi moi-moi nginika gena dangodu niapalako waasi, de yaakuwa ngini magena nidadi to Ngohi Ai nyawa imomote.”

Yohanes 6:35

Wotemo, “Ngohi gena tomasitero maro to ngini nia roti, sababu nakoso o roti la o nyawa yaodo gena, ona aku ioho. Komagena lo o nyawa nagoona la yahino Ngohika de kanaga Ngohi ipiricaya, ona magena asa he yasapi kawa de lo manga kiri dadudu kawa.

Roma 15:4

O moi-moi idomaka isilelefo o Gikimoi Awi Buku ma rabaka gena, nakoso pabaca, de magena ngone inadoto ma ngale ngone aku o sangisara pamoku de lo ngone inasiduduga so pongongano de popiricaya igogou Una Awi jaji gena dangodu asa wosiganapu.

Kolose 2:3

Ngini aku foloisi nianako igogou hitilahi ngini nimarimoika de ma Kristus gena, maro o arata daloloha-loha moi kanaga ngini niamakeka.

Kolose 3:16

De nakoso igogou o Gikimoi Awi laha ma lamo gena niososininga, so ma ngale Una ninyanyi la niwigiliri, de ngini de nia mazmur de nia giliri lo nisinyanyi, de lo o nyanyi magena Awi Gurumino so tanu nimacocawaro la nimakodoto de nimatekesitiari. La tanu o dodoto ma ngale ma Kristus magegena ngini aku foloisi nianako igogou de daloha.

Ibrani 10:34

O nyawa ma ngale o Yesus wipiricayaka so yabubui, ona magena lo ngini niasayangi de niariwo. De lo ma orasi nia arata o nyawa yakoora, de ngini ka ninali, sababu nianako ngini de nia arata kadaku o sorogaka ifoloi daloloha de ka sidutu ikakali.

Gogelelo 3:18

So Ngohi todupa tanu ngini Ngohika o guraci ma duhutu nimaija, la ma ngale ngini igogou nikaya. Bilasu Ngohika lo o baju daaare nimaija ma ngale nimasitiba, la upa sidago nimawatoka de aku nisimade. De hika la o sou nimaija Ngohika ma ngale nia lako ipipilo nisisou, la aku ngini igogou nimasigelelo kali.