Matius 13:3 - O GIKIMOI AWI JAJI ma BUKU

³ Kagena Una wobicara de to Una Awi ade-ade ma ngale o dodoto idala gena wadoto. So komagena de Una o ade-ade moi wasibicara onaka, “Kanaga wototoro moi wotagi awi gisisi wosihaja.

Matius 13:3 ပူးပေါင်းရင်းမြစ်များ

Matius 13:4

So de una wosihaja gena ma sononga itura o ngekoku, so o namo yahino de yaodoka.

Matius 13:53

O Yesus o ade-ade magena wosijarita daboloka, de womajobo

Matius 22:1

O Yesus o ade-ade wosijarita kali o Yahudi manga roririka wotemo,

Matius 24:32

“Ngini bilasu o simodoto nimagese, ena gena o ara ma hutuka. Nakoso o ara ma hutu ma umaka la niakelelo itoori de lo iboboko, magena inisinonako o ogo ilalamo idumuka.

Markus 12:1

So komagena dabolo de o Yesus wobicara kali de to Una Awi ade-ade, o Yahudi manga roririka wotemo, “Kanaga o nyawa moi awi anggur raki wosidato de ma batino o pagari wosigilolika. Dabolo de una o busune wopuawe waaka o anggur ma dedeho. Kagena lo o falagaku ikukuruye moi wosigoko idadi o doro ma jojaga ma riho. Dabolo dangoduka, de o anggur ma raki magena wosisewaka o nyawa yamuruo naga yamomanaraka, kagena de una womajoboka o doku ma somoaka.

Markus 12:12

O Yahudika manga roriri to Una Awi ade-ade gena yoise, de ona yanako Una wasimeta onaka. So kagena de ona imasikadailako la tanu Una iwitago. Duma ma ngale ona yamodo o bi nyawa yadadala, so ona itagi de Una ka widohaka.

Markus 3:23

So kagena de Una waaso o bi nyawa yadadala magena, la wadedemo o ade-ade ngai muruo naga, la wasango to ona manga demo magena itemo o Iblis wihike o buturu. De o Yesus wotemo, “O Iblis o toka wodusu waakuwa sababu o bolu moi.

Markus 4:13

So dabolo de o Yesus wotemo kali onaka, “We! Ngini nisidodoguwa o ade-ade magena. Nako komagena, de ngini nisidodoguwa o ade-ade ma somoali. So o ade-ade magena ma ngale komanena:

Markus 4:33

O ade-ade idala ma rabaka maro komanena isingangasu o Gikimoi Awi habari daloloha o nyawaka, imamote de to ona manga sininga ma buturu la yasahe de yanako.

Lukas 12:41

Kagena de o Petrus wosano o Yesuska, “Jou, o ade-ade magena nomisimeta ka ngomika, eko lo o nyawa yangoduka.”

Lukas 8:10

So Una wotemo onaka, “O kia ngini niananakowa sidago o orasi manena, gena o Gikimoi winihiri la winihike o ade-ade ma ngale, so dangodu aku nianako ma ngale idodooha Una wokolano de wopareta. Duma nakoso o nyawa Ngohi imomote waasi gena bilasu de Ai ade-ade tadoto, ma ngale o demo o kia naga isilelefo o Gikimoi Awi Jaji ma Buku ma rabaka magena asa isiganapu, ena gena, ‘ona magena ka de manga lakoka, duma ma ngale gena yasahewa, de lo cawali de manga ngauka, duma imasihodawa.’ ”

Yohanes 16:25

Ngaroko to Ngohi Ai demo tinisingangasu gena de o ade-ade, duma ma orasi he idumuka de tinisiade-ade kawa. Duma ma ngale Ai Baba tinidodedemo Ai demo gena maro ngini aku nisihoda foloi daloha.