Matius 11:4 - O GIKIMOI AWI JAJI ma BUKU

⁴ Magena de o Yesus wosango wotemo onaka, “Nilihoka de niododedemo unaka o kia niakokelelo de lo o kia niiise:

Matius 11:4 ပူးပေါင်းရင်းမြစ်များ

Matius 11:3

So Una wimakeka, de ona o Yohanes awi sano gena widedemo Unaka itemo, “Baba, idodooha Ngona gena igogou o Salamati ma Kolano ngomi miwidodamaha, kiaka o Gikimoi womijajajika, eko ngomi bilasu o nyawa ma somoa moili miwidamaha.”

Matius 11:5

Ena gena o nyawa ibipipilo imasigeleloka, ibilulugu itagika, yabipapado yalohaka, de yabitotopongo imasigiseka, de isosone yasioho kali de lo o habari daloloha isihabari o bi nyawa isususaka.

Matius 15:30

O nyawa yadala icarawa yahino Unaka, o nyawa ibipopanyake lo yatotota Unaka, kanaga manga dohu isosoneka, ibipipilo, ibilulugu, de ibimomou de lo ma binukasi o panyake ma somoa. O bi nyawa ibipopanyake gena yasiidusa to Una Awi simaka de Una ona wasiloha.

Matius 21:14

Kagena o Gikimoi Awi Tahuka de ibipipilo de lo ibilulugu yahino Unano, de Una ona wasiloha.

Matius 8:3

Magena de o Yesus Awi gia watoa de una magena, ngaroko wipapado, duma awi roheka wapada de wotemo, “Ngohi tomode, so nilohaka bato.” So o orasi magena dabolo de una wilohaka so he wipado kawa.

Yohanes 14:11

Ngini bilasu niopiricaya to Ngohi Ai demo totemo, ‘Ngohi gena Ai Baba Awi rabaka, de Una lo kanaga to Ngohi Ai rabaka.’ Kanaga ngini nitekaka Ngohi nimote so niakeleloka o nonako ihahairani Ai Babano taakaka. So ngaroko niaakuwa Ai demo niopiricaya, duma ngini aku Ngohi nipiricayasi, sababu o nonako niakokeleloka magena lo to Una Awi nonako.

Yohanes 5:36

Ngaroko o kia naga o Yohanes wosingongangasu ma ngale Ngohi gena itero, duma kanaga ma boboloi moili o kia naga isingangasu igogou. Gena o bi nonako ihahairani moi-moi Ai Baba woigolo Ngohika la bilasu taaka. De o bi moi-moi Ngohi taaaka magena ma ngale Ngohi manena isingangasu, igogou Ngohi asa Ai Baba woisulo so aku tahino.