Matius 11:3 - O GIKIMOI AWI JAJI ma BUKU

³ So Una wimakeka, de ona o Yohanes awi sano gena widedemo Unaka itemo, “Baba, idodooha Ngona gena igogou o Salamati ma Kolano ngomi miwidodamaha, kiaka o Gikimoi womijajajika, eko ngomi bilasu o nyawa ma somoa moili miwidamaha.”

Matius 11:3 ပူးပေါင်းရင်းမြစ်များ

Dodadi 12:3

Nako o nyawa yaaka o loha ngonaka done Ngohi lo Ai laha onaka tasidumu. Nako o nyawa o dorou yaaka ngonaka done Ngohi lo onaka takutuku. Ma ngale ngona so igogou o nyawa o bi doku dangodu yamake Ai laha.”

Dodadi 3:15

Komagena Ngohi tinisikadanggutu ngona de o ngopedeka muna manena, ngona de muna nia ngopa de lo nia danoku. So to ngona ani ngopa de ani dano asa manga sahe yapiropu de to muna ami ngopa de ami dano asa manga tutuweneka yatudu.”

Dodadi 49:10

Ngona ani ngopa de ani dano done o nyawa yapareta, ipareta imatoguwa sidago o nyawa moi ngo wahino. Una magena wihiri de wisulo wahino wopareta so o bi doku yangodu lo wisigise ka ka una bai.

Matius 11:10

Sababu una magena wosingangasuka, bilasu o bi nyawa imasidailako ma ngale Ngohi tahino tadoto onaka, maro o kia o Gikimoi Awi Jaji ma Buku ma rabaka isilelefoka. O Gikimoi wotemo Awi Ngopaka, ‘Una to Ngohi Ai sosulo, Ngohi towisulo una asa wodomano, una magena wosidailako to Ngona Ani ngeko.’ ”

Matius 11:4

Magena de o Yesus wosango wotemo onaka, “Nilihoka de niododedemo unaka o kia niakokelelo de lo o kia niiise:

Matius 21:5

“Bilasu nasingangasu o Yerusalemka yangodu, ‘Niwinano, nia kolano he womasidiado. Una womahadoku de o keledai ma ngopaku wopane, gena o keledai ma gohoku.’ ”

Matius 21:9

O bi nyawa yadadala idodoma de ma binukali itotuuru Una wimote-mote gena, yangodu imasagaga itemo, “Powigiliri Una o Daud awi ngopa de awi dano moiku! Igogou! Una wahino de o Jou Awi ronga. So tanu Una magenaka o Gikimoi Awi laha wisicatu. Hino powigiliri o Gikimoi Wikukuruye!”

Markus 11:9

O bi nyawa yadadala idodoma de ma binukali itotuuru Una wimote-mote gena, yangodu imasagaga itemo, “Gikimoi powigiliri! Igogou! Una wahino de o Jou Awi ronga. So tanu Una magenaka o Gikimoi Awi laha wisicatu.

Lukas 19:38

So itemo, “Igogou! Ma Kolano wahino de o Jou Awi ronga. So tanu Una magenaka o Gikimoi Awi laha wisicatu. Hino powigiliri o Gikimoi Wikukuruye, sababu Una Awi sininga daloha ngoneka!”

Yohanes 11:27

“Iya, Jou! Tagogou ngohi ifoloi tonipiricaya, Ngona gena o Salamati ma Kolano o Gikimoi Awi Ngopa, gena o Gikimoi wojajajika wotemo Una done asa wouti o duniaku.”

Yohanes 12:13

De ona o gota ma daara de ma sosokaka, kiaka manga doroka yadeheka, so yaaho de yangodu itagi Una wisibubusu, de asa ona imasagaga de imatoore itemo, “O Gikimoi powigiliri! Igogou! Una wahino de o Jou Awi ronga. Una ngone o Israelka ma nyawa nanga Kolano. So tanu Una magenaka o Gikimoi Awi laha wisidumu.”

Yohanes 16:14

De lo Awi Gurumi magena asa Ngohi woisimulia, sababu o bi moi-moi o kia naga Ngohi tododedemo magegena, ma ngale asa winisingangasu nginika.

Yohanes 4:21

So kagena de o Yesus wotemo kali munaka, “Awa, tanu ngona gena bilasu nopiricaya Ai demo manena, de ma orasi lo he idumuka ngini done asa Ai Babaka nisuba gena, upa o talaka de lo upa o Yerusalemka, duma o riho kiaka bato lo aku o Gikimoi ka powisuba.

Yohanes 6:14

So o nonako magegena Una waakaka to ona manga simaka, de o nyawa ona magena asa yotemo moi de moika, “Awalele! O nyawa Una manena igogou o nabi moi o Gikimoi wojajaji idomaka wotemo igogou Una asa wahino o duniaka.”

Yohanes 7:31

Ngaroko komagena, kanaga yadadala ma binuka lo asa Una iwipiricayaka, de itemo, “We! Ma sababu o nyawa moili yahiwa de yaaku o nonako ihahairani yaaka komanena ma dala, so igogou-gogou Una magena o Salamati ma Kolano.”

Ibrani 10:37

Sababu to Una Awi Jaji ma Buku ma rabaka isilefoka itemo, “Ka o orasi ma cunusi, Una done wahihino gena igogou asa wahino kali, de Una upa he wotamaha.