Lukas 9:56 - O GIKIMOI AWI JAJI ma BUKU

⁵⁶ Dabolo de ona yogila-gila yakahika o doku ma somoaka.

Lukas 9:56 ပူးပေါင်းရင်းမြစ်များ

Matius 18:10

So nimasidodiahi! Upa o ngopa ma ceceke moi lo maro o ngopa manena niasidoohawa. Sababu igogou-gogou to ona manga bi malaikat yajajaga o sorogaka, ona gena salalu kanaga Ai Baba Awi simaka. [

Matius 18:11

Sababu Ngohi o Nyawa ma Duhutu manena Ai edekati tahino o duniaka, la ma ngale o nyawa dede o Gikimoi imakitingaka ona magena tasari la manga dorouno tasisalamati.]”

Matius 20:28

Igogou, maro Ngohi o Nyawa ma Duhutu taaka, komagena ngini lo bilasu niaaka. Ngohi tahino la ma ngale Ngohi ileleani gena hiwa, duma Ngohi tahino ma ngale o nyawa taleleani. Komagena lo Ai oho tahike ma ngale o nyawa yadadala manga dorou ma ija, so manga dorou aku tatupu.”

Matius 5:39

Duma orasi manena Ngohi totemo nginika, upa la o nyawa o dorou yaaka nginika de niafanggali de o dorou niaka onaka. Duma nakoso o nyawa la nia ngingiti ma girinaka yangapo, de hika nia ngingiti ma gubalika niahike la yangapo kali.

Lukas 19:10

Ma sababu magena, so Ngohi o Nyawa ma Duhutu manena tahino. Ngohi tahino la o nyawa dede o Gikimoi imakitingaka, ona magena tasari de o dorou ma rabano tapalako, maro o duba isisisa tasari sidago tosisalamati.”

Lukas 22:51

De o Yesus wotemo, “Boloka!” So Una wapada o nyawa una magena awi ngauka so wosiloha kali.

Lukas 23:34

De Una wosumbayang wotemo, “Baba, tanu ona nasiapongu! O kia ona yaaaka gena ona yanakowa.” O bi prajurit o Yesus wisidodasangahadika, ona magena Awi baju imatekesikotoku yaaka moi-moi de manga gimina yamote o undi ma rabaka.

Lukas 9:55

Duma o Yesus womabulutu de ona wangamoka.

Lukas 9:57

Kagena manga dodagi ma rabaka, de o nyawa moi wahino Unano de wotemo, “Baba, ngohi todupa kekiaka bato notagi Ngona tonimote bai!”

Yohanes 10:10

Yototosi ona magena yahino ka yatosi, yatooma, de lo o nyawa yasisa, komagegena to ona manga sininga ma ngale de ma edekati. Duma Ngohi asa tahino la ma ngale Ai duba-duba aku o oho ma duhutu yamake de o oho magena foloisi daloha de igogou, de ma kurangi moi lo ihiwa.

Yohanes 12:47

De nakoso o nyawa la kanaga Ai demo yoise de ipiricayawa Ngohi, ona magena asa Ngohi upa tasisala. Sababu Ngohi tahino kanena ma ngale upa o bi nyawa o duniaka tasisala so bilasu ona dede o Gikimoi imakitingaka, duma ma ngale ilalamo gena todupa o nyawa isalamati.

Yohanes 3:17

Komagena o Gikimoi Awi Ngopa wisulo o duniaku, Una wouti, de upa o bi nyawa o duniaka wasisala so bilasu o Gikimoi wafanggali de o dorou, duma ma ngale manga dorou ma rabano gena wasisalamati.

Roma 12:21

Ena gena, upa lo niamote la o dorou inisitura, duma bilasu ngini niafanggali de o loha la o dorou gena niatura.

1 Timotius 1:15

O demo maro ma duuruka manena, gena igogou so bilasu o nyawa inangodu padehe daloha: “O Yesus Kristus wahino o dunia ma dokuka la o bi nyawa de manga dorouka wasisalamati.” De o bi nyawa yangodu manga sidongirabaka ngohi foloisi ai dorou ilamo.