Lukas 9:52 - O GIKIMOI AWI JAJI ma BUKU

⁵² So Una Awi nyawa wimomote yamuruo naga wasulo la ona itagi idoma, de Una wotuuru. So idodoma ona magena o doku moi o Samaria ma daeraka iwosa la Awi sidailako yaaka kasi.

Lukas 9:52 ပူးပေါင်းရင်းမြစ်များ

Matius 10:5

Ona yamogiowo de sinoto gena o Yesus wasulo so itagi de o siminiko wadedemo kasi wotemo komanena, “Nia dodagi ma rabaka upa lo o bi Yahudika ma nyawa yasowo to ona manga daeraka nitagi. De lo upa nitagi o Samaria ma nyawa manga bi dokuka.

Lukas 10:1

Dabolo de o Jou Yesus wimomote manga sidongirabano wahiri yamoritumudingi, de wasulo la ona yasosinoto asa itagi yododoma o doku yageto, kiaka done Una lo wototuuru de asa watulu.

Lukas 10:33

Kagena de iteka lo waali o Samariaka ma nyawa moi awi dodagi ma rabaka nogena wakahinoli. Ma orasi o nyawa winanabo magena wimake, de una awi galusiri ibao.

Lukas 17:11

O Yesus wokahika o Yerusalemka, so kagena wakahino o Samaria ma tona de o Galilea ma tona ma batino.

Lukas 17:16

De o Yesus iwimake, de una magena he o Samaria ma nyawa moi duma wobukuku wosuba, de awi sukuru watide Unaka.

Lukas 7:27

Sababu una magena wosingangasuka, bilasu o bi nyawa imasidailako ma ngale Ngohi tahino tadoto onaka, maro o kia o Gikimoi Awi Jaji ma Buku ma rabaka isilelefoka. O Gikimoi wotemo Awi Ngopaka, ‘Una to Ngohi Ai sosulo, Ngohi towisulo una asa wodomano, una magena wosidailako to Ngona Ani ngeko.’ ”

Yohanes 4:4

So o Yudeaka de Una womajobo wotagi o Galileaka, de o Gikimoi wodupa so upa o ngeko ma somoa wamote, duma bilasu wakahika o Samaria ma tonaka watola, ena gena o Israel ma tona moi.

Yohanes 4:5

O wange itiaika, nagala o cako mogiowo de sinoto, de ona imasidiado o doku moi o Samaria ma tonaka, ena gena isironga o Sikhar. O doku magena he yadumuka, de ona imasiwoma kekiaka o riho magenaka kanaga de o sumu moi. O Sikhar gena imakabati de o tona kekiaka idodomaka ona manga ete de manga topora o Yakub gena wihike awi ngopa o Yusufka. De kagena o riho magenaka kanaga o sumu moi isironga lo o Yakub awi sumu. Ma sababu to ona manga dodagi ikuru so o Yesus asa wimomodoka, so Una womawoma de womatamiku kagena o Yakub awi sumu ma dateka.

Yohanes 4:9

Kagena de muna magena motemo, “Awa kodo, Baba! Ngona gena o Yahudika ma nyawa moi de ngohi manena o Samaria ma nyawa moi, de dadoohaso sidago Ngona de o ake nogolo ngohika.” (Muna ami sango komagena, sababu o Yahudika ma nyawa de o Samariaka ma nyawa gena ona imatekedodiaowa, sidago manga bobita lo itemo upa manga lelenga eko manga udo-udo imakabau de imakacapu.)

Yohanes 8:48

Duma ona asa wisango Unaka itemo, “Icala! Ngona nikokitoka moi, eko hiwa. Ngomi mitero nakoso minisironga Ngona ka o Samariano, o Yahudika ma duhutu nisowo. Ngomi mitero bai!”