Lukas 9:44 - O GIKIMOI AWI JAJI ma BUKU

⁴⁴ “Niosininga de nimadiahi to Ngohi Ai demo manena: Ngohi o Nyawa ma Duhutu manena done asa isidoa Ai saturu manga gia ma sohaka.”

Lukas 9:44 ပူးပေါင်းရင်းမြစ်များ

Matius 16:21

Ma solano o orasi magena de o Yesus Awi muri-murika womadedemo wositotiaika, ena gena wotemo onaka, “Ngohi manena bilasu totagi o Yerusalemka. De done o Yahudika manga roriri, o imamka ma bi sahe, de o bi guru agama ona Ngohi iholu, so ona asa isangisara dasiri ma bati itooma de isosone. Ngaroko iaka komagena, duma o wange saangeka de Ngohi tooho kali.”

Matius 26:2

“Ngini nianakoka midirika de o Paskah ma Wange ma Rarame imasidiado. O orasi magena de Ngohi o Nyawa ma Duhutu manena asa isidoa la isangahadi.”

Markus 8:31

Dabolo de o Yesus Awi muri-murika womadedemo, ena gena wotemo onaka, “Ngohi manena, o Nyawa ma Duhutu, done o Yahudika manga roriri, o imamka ma bi sahe, de o bi guru agama ona Ngohi iholu, so ona asa isisangisara dasiri ma bati itooma de isosone. Ngaroko iaka komagena, duma o wange saangeka de Ngohi tooho kali.”

Markus 9:31

sababu to Una Awi muri-muri wadotosi. De una wotemo gena komanena, “Ngohi o Nyawa ma Duhutu manena done asa isidoa Ai saturu manga gia ma sohaka, so Ngohi asa itooma, duma o wange saangeka de asa Ngohi tooho kali.”

Lukas 1:66

O nyawa o habari magena yoiise, ona yangodu manga siningaka itemo, “O ngopa manena asa wodadi idodooha orasi ma simaka.” Sababu o Jou Awi kuasa kanaga dede unaka.

Lukas 18:31

O Yesus Awi muri-muri watolomu so imatingaka, de wotemo onaka, “Niise la nianako. Ngone manena pokahie nanga meta o Yerusalem ma dokuka. So kagena o bi moi-moi ma ngale o Nyawa ma Duhutu Ngohi manena idomaka o bi nabi isilelefo gena, dangodu bilasu idadi.

Lukas 2:19

Duma ongo Maria ami siningaka madiahi de mosifikiri.

Lukas 2:51

Dabolo de ona iliho imakangaho manga doku o Nazaretka, de igogou Una wasigise daloha ma awa de ma babaka. O moi-moi idadadika dangodu magena ma awa ami sininga ma rabaka madiahika.

Lukas 24:44

Dabolo de Una wotemo onaka, “Manena o kia naga tinisingangasu nginika, ma orasi idomaka de Ngohi kanaga dede nginisi. O bi moi-moi ma ngale Ngohi, kiaka o Jou Awi bobita o Musa de lo o bi nabi ma somoa isilelefo ma Buku ma rabaka de lo o Mazmur ma Bukuka gena, dangodu bilasu isiganapu.”

Lukas 9:22

De lo wotemo, “Ngohi manena, o Nyawa ma Duhutu, done o Yahudika manga roriri, o imamka ma bi sahe, de o bi guru agama ona Ngohi iholu, so ona asa isangisara dasiri ma bati itooma de isosone. Ngaroko iaka komagena, duma o wange saangeka de Ngohi tooho kali.”

Yohanes 16:31

Wotemoli, “Pei! So igogou Ngohi nipiricayaka?

Yohanes 16:4

Ngohi tinisingangasu komagena, la ma ngale done ma orasi o bi moi-moi maro komagena imaaka nginika, de ngini aku Ai demo magena niososininga so foloi nisiputuru.” “O bi moi-moi magena ma nonomaka Ngohi ngini tinisingangasu waasi, sababu Ngohi kanagasi dede ngini.

Yohanes 19:11

So o Yesus wosango wotemo, “Nako Ngohi ngona gena igogou de ani kuasa, duma o kuasa magena ka cawali o Gikimoi asa aku wonihihike ngonaka. Mutuwade nako ngona de una ma Imam Wilalamo Ngohi woisidodoa ngonaka la ma ngale Ngohi isidasangahadi, una gena de awi dorou ifoloi ilamo.”

Rasul 2:23

Imamote de o Gikimoi Awi edekati so wositatapu daboloka, o Yesus bilasu wisidoa nginika, so o Gikimoi wanako done asa isiganapu. De ngini Una niwisidoa o nyawa yatotorouka, de ona niasulo la iwisidasangahadi sidago wosone.

Ibrani 2:1

Mutuwade ma ngale o Jou Yesus foloisi wolamo de o bi malaikat, so ngone bilasu pomasidodiahi o dodoto ma ngale Una gena, kiaka poiise, magena pomasigocoho daputuru de posigise daputuru, la ma ngale upa ngone he kagena o ngeko itotiaika de pamote kali o ngeko isasalaka.