Lukas 9:41 - O GIKIMOI AWI JAJI ma BUKU

⁴¹ So kagena de Una wotemo onaka, “Idodooha ngini o bi nyawa o orasi manena! Igogou-gogou ngini manena o nyawa o Gikimoi Awi dupa niaholu de lo nia piricaya ihihiwa. Sidago o orasi muruosi Ngohi togoge dede ngini la tinisisabari nginika. Ce! Nako komagena o ngopa magena niwingahono kanena.” So ona o ngopa magena iwingaho Unaka.

Lukas 9:41 ပူးပေါင်းရင်းမြစ်များ

Matius 11:28

So niahino Ngohino, ngini ningodu la kanaga nia gina datotubuso niamoku so nisimomodoka. Hino la Ngohi masirete asa nia gina magena tapalako.

Matius 12:39

O Yesus wosango, “Ce! Ngini o bi nyawa o orasi manena gena o nyawa ma dorou ningodu de o Gikimoi niwiholu. Ngini nigolo Ngohi taaka o nonako nginika? Toholu! Ngaroko nigolo lo Ngohi taakawa o nonako maro komagena ma meta o nyawa ngini manenaka, ka cawali o nonako moi maro idodomaka o kia idadadi ma nabi Yunuska.

Matius 12:45

Kagena de maena itagili, de o toka tumudingili kiaka ifoloi datotorou gena maena yaaso, la yahino o nyawa iwititinga una magenaku iwosa, de kagena ona igoge. Ma duuruka o nyawa una magena ifoloi witorou de ma nonomaka. So o bi nyawa o orasi manena to ona manga dorou gena idadi de imaaka maro komagena. Ona manga bodito asa foloisi ilamo, sababu iholu Ngohi idehe daloha.”

Matius 16:4

Ce! Ngini o bi nyawa o orasi manena nia dorou ningodu gena o Gikimoi niwiholu. Ngini nigolo Ngohi taaka o nonako nginika? Toholu! Ngaroko nigolo nigegego lo Ngohi taakawa o nonako maro komagena ma meta o nyawa ngini manenaka, ka cawali o nonako moi maro idodoma ma nabi Yunuska gena idadadika.” Dabolo de Una womajoboka.

Matius 17:17

So kagena de Una wotemo onaka, “Idodooha ngini o bi nyawa o orasi manena! Igogou-gogou ngini manena o nyawa o Gikimoi Awi dupa niaholu de lo nia piricaya ihihiwa. Sidago o orasi muruosi Ngohi togoge dede ngini la tinisisabari nginika. Ce! O ngopa magena niwingahono kanena.” So ona o ngopa magena iwingaho Unaka.

Matius 23:36

Ngini tinisingangasu igogou, ngini o bi nyawa o orasi manena ma ngale nia ete de nia topora manga sala gena dangodu done asa ngini lo nisangisara.”

Matius 3:7

So kanaga lo o Farisika ma nyawa de o Sadukika ma nyawa lo yahino ma ngale ona lo yaosi. Duma ma orasi o Yohanes wakelelo ona yahino de una wotemo onaka, “Icala! Ngini manena o nyawa nikokulai, maro o ngihia gena o nyawaka yagoli. Ngini nia fikiri gena ka cawali tiniosi so aku niloda o Gikimoi Awi doosa ma sangisarano, duma nia fikiri maro magegena isala.

Markus 10:14

Ma orasi o Yesus wakelelo o hali magena, Una wongamo de wotemo onaka, “Niadohaka, la o bi ngopa ona magena yahino Ngohino. Upa lo niafati de lo niasimahawa. Sababu o bi nyawa imatero maro o ngopa ona manena asa yaaku iwosa o Gikimoi Awi paretaka.

Markus 10:49

Kagena de o Yesus womatogu de wotemo, “Tagi la niwiaso una magena.” So ona iwiaso o nyawa wopipilo de itemo, “Nomarihi-rihi! To ngona ani ukuru ma loha sidago o Yesus woniaso, so nomaoko la notagi!”

Markus 9:19

So kagena de Una wotemo onaka, “Idodooha ngini o bi nyawa o orasi manena! Igogou-gogou ngini manena o nyawa nia piricaya ihihiwa. Sidago o orasi muruosi Ngohi togoge dede ngini la tinisisabari nginika. Ce! O ngopa magena niwingaho Ngohino.”

Lukas 8:25

So Una wotemo onaka, “He! To ngini nia piricaya gena ihiwa!” Magena de asa Awi muri-muri yohairani de manga modo lo ka manga raba kasi, de imatekebicara moi de moika yotemo, “Wewe! O nyawa Una manena naguuna, so o bi moi-moi dangodu sidago lo o paro de o moku-moku lo ka wisigise.”

Lukas 9:40

So ngohi togolo Ani muri-murika la yodusu o toka magena, duma ona yaakuwa.”

Lukas 9:42

Ma orasi o ngopa magena wotagi wimeta o Yesuska, de una wikokitoka magena awi rohe wosipapaka o tonaku, so awi rohe lo iira-iraka. De Una wodusu o toka magena de o ngopa magena wisilohaka. Dabolo de wotemo awi babaka, “Ani ngopa manena nowidehe. Una wilohaka.”

Yohanes 14:9

Kagena de Una wotemo, “Awalele! Filipus, kanaga itekaka potagi pomakokomote, dadoohaso ngona Ngohi noinako waasi. Sababu o nyawa nakoso Ngohi ikeleloka, de ona asa ma Baba lo iwikeleloka. So o kiaso ngona notemo komagena, ‘Ngona nomisikelelo o Baba Gikimoi ngomika.’

Yohanes 20:27

Kagena de o Tomaska asa wotemo, “Hika ani raraga kanena nosipada. Nanano kasi to Ngohi Ai gia. De lo Ai alu ma ngunu ma naboka de ani gia nosipada. Bilasu ngona gena ka nopiricaya de lo nododato kawa.”

Rasul 13:18

de lo ma deka o taungu moruha ona aku yapoha ioho o tona ibobeleuka, sababu o Gikimoi wapalihara onaka.

Rasul 2:40

De o Petrus wabaja de wogolo, so wotemoli onaka, “Hika niwisimaha la o Gikimoi winisisalamati, la upa sidago o bi nyawa ma dorou manga sangisara ma fanggali inidahe nginika bai!”

Roma 2:4

Upa sidago Una Awi laha ilamo de Awi sabari foloisi ikuru so ngini winisisangisara waasi, so magena nisidoohawa. Nagala niawosaka Una Awi laha gena ma ngale o ngeko winihike, tanu ngini gena asa nimatoba de nimatoduba.

Ibrani 3:19

So ngone panako itiai ona yasimahawa yowosa la yogoge dede Una, sababu ona magena iholu iwipiricaya Unaka.

Ibrani 4:11

Komagena so hino la ngone paaka ifoloisi pokaeli de powosa la pogoge dede Una. Upa sidago ngone nanga sidongirabaka o nyawa moi potura so powipiricaya kawa, maro nanga ete de nanga topora idodomaka.

Ibrani 4:2

Sababu ngone lo o habari daloloha gena poiseka, ka imatero de nanga ete de nanga topora ona magena idomaka. Duma o habari kiaka yoiiseka gena ona magena asa yopiricayawa, so ma faida ihiwa onaka.

Ibrani 7:25

Mutuwade Una de Awi kuasa aku o soneno ngone wonapalako de lo Awi laha wonahihike gena asa ikurangiwa, nakoso ngone kanaga Una powipiricaya so pomasidate o Gikimoika. Sababu Una wooho ka sidutu ikakali la ma ngale ngone gena wonasigolo o Gikimoika.