Lukas 9:25 - O GIKIMOI AWI JAJI ma BUKU

²⁵ Ngaroko o nyawa moi o dunia de ma raba manena he dangodu ka to una, duma dangodu magena ma faida ihiwa, nakoso ma duuru una wisisa sababu wamakewa o oho ka sidutu ikakali.

Lukas 9:25 ပူးပေါင်းရင်းမြစ်များ

Matius 16:26

Ngaroko o nyawa moi o dunia de ma raba manena he dangodu ka to una, duma dangodu magena ma faida ihiwa, nakoso ma duuru una wamakewa o oho ka sidutu ikakali. Sababu o oho ka sidutu ikakali gena niamakewa de o guraci de o salaka nisitagali, eko lo akuwa niaija de o pipi.

Markus 8:36

Ngaroko o nyawa moi o dunia de ma raba manena he dangodu ka to una, duma dangodu magena ma faida ihiwa, nakoso ma duuru una wamakewa o oho ka sidutu ikakali.

1 Korintus 9:27

So nakoso to ngohi ai rohe manena gena, ma nyafusu asa tapareta daputuru. Upa sidago o nyawa ma somoa tasihabari daboloka, de ma dodoguka ngohi masirete o hadiah o Gikimoi wosijajajika magena he tamakewa.

Rasul 1:25

so bilasu o Yudas witagali la waaka o rasul ma manara magena. Sababu o manara magena o Yudas wodongosaka, so ma ngale magegena asa ma fanggali wamake, ena gena o sangisara ikokakali ma rihoka.”

Matius 13:50

Dabolo de o bi nyawa ma dorou ona magena yaumo o uku isosora-sora ma rabaku, kiaka ona asa yoari de lo yosangisara.”

Rasul 1:18

(O Yudas una magena de to una awi kulai datotorou ma fanggali o tona moi waijaka, so kugena una wotura womotuku de awi poko ipolote sidago awi toto lo isupu dangoduka.

Matius 13:48

Ma orasi o soma magena iwedoka, de yososoma manga soma magena yalia de yatide o dowongisa. Dabolo de ona igogeku, de o bi nao gena yahiri-hirika. O bi nao daloloha o karajaku yongado de lo o bi nao ma dorou gena yaumoka.

Ibrani 10:34

O nyawa ma ngale o Yesus wipiricayaka so yabubui, ona magena lo ngini niasayangi de niariwo. De lo ma orasi nia arata o nyawa yakoora, de ngini ka ninali, sababu nianako ngini de nia arata kadaku o sorogaka ifoloi daloloha de ka sidutu ikakali.