Lukas 9:16 - O GIKIMOI AWI JAJI ma BUKU

¹⁶ So kagena de Una o roti ngai motoha de o nao ngai sinoto wadehe de womamataga o dipaye de Awi sukuru watide o Gikimoiye. Dabolo de Una o roti magena watepi-tepi de Awi muri-murika wahike la ona yasitoku o nyawa yadadala ona magenaka.

Lukas 9:16 ပူးပေါင်းရင်းမြစ်များ

Matius 14:19

Dabolo de o nyawa yadadala gena wasulo la igogeku o dumule ma dokuka. So ona yadadala o dumuleka imagogeku, kagena de Una o roti ngai motoha de o nao ngai sinoto magena wadehe de womamataga o dipaye, de Awi sukuru watide o Gikimoiye. Dabolo de Una o roti magena watepi-tepi de Awi muri-murika wahike la ona yasitoku o nyawa yadadala ona magenaka.

Matius 15:36

De o roti ngai tumudingi magena de lo o bi nao magena wadehe so Awi sukuru watide o Gikimoiye. Dabolo de watepi-tepi de to Una Awi gia, so wahike Awi muri-murika la ona isitoku o nyawa yadadala magenaka. So Awi muri-muri ona yaaka maro o kia Una wasulo.

Markus 7:34

O dipaye womamataga so Awi woma walia de wotemo, “Efata!” ma ngale “Ipelenga!”

Lukas 22:19

Dabolo de Una magena kanaga o roti wadehe so Awi sukuru watide o Gikimoiye. Dabolo de o roti magena watepi-tepi de to Una Awi gia, de gila-gila Awi muri-murika wasitoku de wotemo, “Manena to Ngohi Ai rohe ((ma ngale ngini gena tinihikeka. Magena niaaka maro o sosininga moi Ngohika.”

Lukas 24:30

Ma orasi ona imatamiye la yoodo, de Una o roti wadehe Awi sukuru watide o Gikimoiye, de watepi-tepi, dabolo de wasitoku onaka.

Lukas 9:15

De Awi muri-muri gena yaaka maro o kia Una wasulo onaka, de o nyawa yadadala gena yangodu imagoge.

Lukas 9:17

La o nyawa yadadala magena yaodo sidago yapunu. So kagena ona iodo dabolo de Awi muri-muri o ino ma soohu yatolomu so ma boloi yamake o karaja mogiowo de sinoto.

Yohanes 6:11

So kagena de Una Awi sukuru watide o Gikimoiye, de asa o roti ngai motoha magena wahike Awi muri-murika la ona yasitoku o nyawa yadadalaka magena. Komagena lo o nao ngai sinoto waaka so yasitoku o nyawa yadadalaka magena. De o nyawa yadadala magena yoodo sidago yapunu.

Rasul 27:35

So o Paulus wotemo komagena dabolo, gila-gila ona yangodu manga simaka o roti ngai moi wadehe de awi sukuru watide o Gikimoiye asa o roti magena watepi-tepi, de una masirete waodo wodoma.

Roma 14:6

Sababu o nyawa la kanaga o wange yahihiri, ona magena yahiri la ma ngale o Jou iwihoromati. De o nyawa la kanagali o kia bato yaoodo, ona magena lo yaodo la ma ngale o Jou iwihoromati, sababu ma ngale manga ino gena ona yodupa manga sukuru Unaka yatide. De lo o nyawa la kanaga ka o gaahu yaoodo, ona magena lo yaaka la ma ngale Una iwihoromati, de ona lo ma ngale manga ino gena yodupa manga sukuru yatide Unaka. So o moi-moi yaaaka gena upa potemo isala.

1 Korintus 10:30

Nakoso ngone la poodo gena nanga sukuru o Gikimoika patide kasi, de dadoohaso o nyawa gena ngone inasibicara datorou.”

1 Korintus 11:24

so Awi sukuru watide o Gikimoiye. Dabolo de o roti magena watepi-tepi de to Una Awi gia, de wotemo, “Manena to Ngohi Ai rohe ma ngale ngini gena tinihikeka. Magena niaaka maro o sosininga moi Ngohika.”