Lukas 8:52 - O GIKIMOI AWI JAJI ma BUKU

⁵² Iwosa de o nyawa yangodu magena yododora manga ili yapoputuruka sababu mosoneka. Duma Una wobicara, “O ngopa manena mosonewa, duma mikioloka, so upa niari.”

Lukas 8:52 ပူးပေါင်းရင်းမြစ်များ

Dodadi 23:2

So kagena o Kiryat-Arba (eko o Hebron) o doku moi o Kanaan ma tona ma rabaka, de muna mosoneka. Komagena so ma ngale o Abraham ma pedeka ami sone magegena so wododora.

Matius 11:17

de itemo, ‘Ngomi misuling ma ngale nginika, duma ngini niholu niselo. Ngomi minyanyi o sone ma guule nginika, duma ngini niholu niari.’

Lukas 23:27

Kanaga manga duduno o bi nyawa yadadala gena itotuuru, de komagena lo manga sidongirabaka o bi ngopedeka yamuruo naga. O ngopedeka ona magena iari de lo idodora ma ngale Una.

Lukas 23:48

Ona yahino yototomina gena o kia naga idadadi magena yakelelo, de ona yangodu asa yoliho de manga mamata masireteka yangangapo, ma ngale manga sininga foloi ipeleso.

Lukas 8:51

Kagena de itagi o Yairus awi tahuka so imasidiado, de o Yesus o nyawa ma somoa wasimahawa. Ka cawali o Petrus, de o Yohanes, de o Yakobus de lo o ngopa magena ma awa de ma baba wasimaha iwimote so iwosa.

Lukas 8:53

De o nyawa yadadala magena iminako o ngopa muna magena mosoneka, so yangodu Una wisiihe.

Yohanes 11:4

So komagena Una woise de onaka wotemo, “Ngaroko una wopanyake, duma upa sidago de awi panyake magena una wosone. Hiwa! Komagena idadi ma ngale o Gikimoi Awi mulia wosimane o nyawaka, so de magena asa yanako Ngohi manena to Una Awi Ngopa lo aku de Ai muliaka.”