Lukas 8:22 - O GIKIMOI AWI JAJI ma BUKU

²² O wange moiku o Yesus de Awi muri-muri o deruku yopane, de wotemo onaka, “Hino la ngone pomasisihito kadoka o talaga ma sonongaka.” So ona o deruku so yoside de imajoboka.

Lukas 8:22 ပူးပေါင်းရင်းမြစ်များ

Matius 14:22

La magena dabolo de o Yesus wotemo Awi muri-murika, “Nitagi o deruku nipane la niside kadoka o talaga ma sonongaka. Ngohi asa o nyawa yadadala ona magena tasulo iliho kasi.”

Matius 8:18

Ma moika o talaga Galilea ma dateka, de o nyawa yadadala o Yesus iwisigilolino, so Una Awi muri-muri wasigaro, “Hino la ngone pomasisihito o talaga ma sonongaka.”

Markus 5:21

O Yesus wokahino kali o talaga ma sonongano. Kagena de o nyawa yadadala yahino imatolomu Una o talaga ma dateka wisigiloli.

Markus 6:45

La magena dabolo de o Yesus wotemo Awi muri-murika, “Nitagi o deruku nipane la niside kadoka o doku Betsaida o talaga ma sonongaka. Ngohi asa o nyawa yadadala ona magena tasulo iliho kasi.”

Markus 8:13

Dabolo de Una ona magena wadongosa de o deruku wopane kali, so womajobo kadoke o talaga ma sonongaka.

Lukas 5:1

So ma moiku o Yesus kanaga womaokoye o Genesaret ma talaga ma dateka, de o nyawa yadadala iwisidehelo Unaka, yodupa o Gikimoi Awi demo yoise.

Lukas 8:23

So ona o deruka, de Una womaidu so iwikioloka. Imatodoka o paro de o rato dasosihilo de o moku-moku imasidiado so manga deruku o ake yobane sidago manga deru he ikiloro.

Lukas 8:33

so o toka idadala gena isupu o nyawano de widongosaka, de yowosa o titika. O titi ma duduo magena iloda de kugena o dirasuku itura, so dangodu o talagaku dalutu de isoneka.

Yohanes 6:1

So daboloka, de o Yesus de Awi muri-muri yokahika o Galilea ma Talaga ma sonongaka, o talaga magena isironga lo o Tiberias ma Talaga.

Rasul 27:2

Kagena o Kaisarea ma bobaneka de o deru moi o Adramitium ma kotano asa imasidiado. So o deru magenaku ngomi mipane de asa miside miakahika o Asia ma daera ma bi bobane moi-moika mitulu. So ngomi de o Makedonia ma nyawa moi, awi ronga o Aristarkhus, una magena o Tesalonikano wakahino so una de ngomi miside mimakederu moi.