Lukas 7:40 - O GIKIMOI AWI JAJI ma BUKU

⁴⁰ Kagena de o Yesus wotemo o Farisi ma nyawa una magenaka, “Simon, kanaga o kia naga moi todupa totemo ngonaka.” O Simon wotemo, “Iya, Baba Guru, ka notemo bato.”

Lukas 7:40 ပူးပေါင်းရင်းမြစ်များ

Matius 26:49

Ma orasi o Yudas womasidiado, gila-gila o Yesuska wotagi de wotemo, “Tabea, Baba Guru!” De gila-gila wikololo de wihame.

Matius 7:22

Ma wange Una wositatapuka, de done o bi nyawa yadala asa itemo Ngohika, ‘Jou! Jou! Ngona nanako igogou ngomi gena o Gikimoi Awi demo misingangasu de Ani ronga. De yakokitoka manga toka miodusu de Ani rongali. De lo o bi nonako ihahairani gena idala miaaka de Ani rongali.’

Lukas 18:18

O wange moiku o puji ma tahu wapopareta moi womasano o Yesuska, “Baba Guru, Ani sininga daloloha, ngohi bilasu o kia taaka la tamake o oho ikokakali.”

Lukas 5:22

Kagena de manga sininga ma takasiri o Yesus wosihoda, so wotemo, “Upa niafikiri koloko to ngini nia sininga ma rabaka.

Lukas 5:31

Duma Una wogiise manga demo-demo magena de Una wosango wotemo, “O nyawa yapoputuru upa he ma dokterka yahino, cawali ka o nyawa yasisiri.

Lukas 6:8

Duma manga sininga ma takasiri o Yesus wanako, so wotemo o nyawa awi gia isosoneka gena, “Nahino kanena manga simaka nomaokoye.” So igogou una magena wahino kagena womaokoye.

Lukas 7:39

Magegena de o Farisi ma nyawa wakelelo o kia naga o ngopedeka muna magena maaka, de una awi sininga ma rabaka asa wotemo, “Nakoso o nyawa Una magena igogou o nabi moi, de Una aku wominako o ngopedeka muna magena de ami manara datotorou de womasimahawa Awi rohe mapada.”

Lukas 7:41

De Una wotemo, “Kanaga o nyawa yasinoto de manga nagi o pipi o nyawa moi wasibabauka. Wimoi awi nagi unaka o pipi o salaka ma ngai ratu motoha de lo wimoi awi nagi unaka cawali o pipi o salaka ngai moritoha.

Yohanes 13:13

Ngini kanena niaso Ngohika nia Guru, eko nia Jou, de nako Ngohi komagena, gena itiai so nibicara lo ka daloha Ngohika.

Yohanes 16:19

Una wanakoka manga gamamu magena tanu yodupa Una iwisano kali, so wotemo onaka, “Kangano manena totemo, ‘Ma cunusi de Ngohi manena asa ngini he nikelelo kawa, dabolo de iteka lo waali de ngini asa Ngohi nikelelo kali.’ Ai demo ma ngale gena komagena de dadoohaso nimatekekasano.

Yohanes 3:2

Daputuku de una wahino o Yesuska, de wobicara wotemo, “Baba Guru, ngomi mininako igogou Ngona o guru moi o Gikimoi masirete wonisulo nahino ngomino, sababu Ngona de to Ngona Ani nonako ihahairani. O nyawa moi lo o nonako ihahairani yaaka yaakuwa, ka cawali manga buturu ma sihino o Gikimoino.”