Lukas 7:24 - O GIKIMOI AWI JAJI ma BUKU

²⁴ De o Yohanes awi nyawa wimomote magena itagi iliho, de ma ngale o Yohanes gena o Yesus wobicara o nyawa yadadalaka wotemo, “Ngini nitagi o tona ibobeleuka la o Yohanes niwimake, de ngini gena upa ma ngale niwimake o nyawa moi la kanaga wadodato so awi piricaya ma ngutu ihiwa, imatero maro o dumule o paro yawuwu so ikole hika de hino.

Lukas 7:24 ပူးပေါင်းရင်းမြစ်များ

Dodadi 49:4

Duma o nyafusu gena nibaja, maro o ake iruwahe komagena lo ani siningaka, sidago ai pedeka nomisiidu ai dangika o dorou naaka ai giliri naumo de nafaja.

Lukas 1:80

O Zakharia awi ngopa una magena foloika wilamo, awi sininga de awi rohe ma buturu lo asa idogoli. Wilamoka, de una wogoge o tona ibobeleuka, sidago ma orasi yaado done asa una o Jou Awi demo gena wotagi wosihabari o Israel awi ngopa de awi danoka.

Lukas 3:2

Yodadi ma Imam Wilalamo o orasi magena, gena o Hanas dede o Kayafas. O taungu magena ma rabaka o Gikimoi kanaga Awi demo wosidingo o Zakharia awi ngopa o Yohaneska, una gena o tona ibobeleuka.

Lukas 7:23

O nyawa la kanaga ma ngale Ngohi gena idodatowa de ipiricaya daputuru, ona igogou yosanangi.”

Lukas 7:25

De ngini nitagi upa lo ma ngale o nyawa o baju daloloha womasitibaku la niwikelelo bai! O nyawa la kanaga de manga baju daloloha de lo manga oho ikakaya, ona magena bilasu o kolano manga bi kadato ma rabaka.

Yohanes 1:23

De ma ngeko komagena so o Yohanes una masirete asa wadedemo onaka wotemo, “Ngohi manena gena imatero de o nyawa una magena idomaka ma nabi Yesaya awi buku ma rabaka isilefo de itemo, ‘Kanaga o nyawa moi o tona ibobeleuka womatotoore: Hika! Ma ngale nanga Jou Awi hino gena o ngeko bilasu nisibolowo de nisitiai.’ O Yesaya awi demo ma meta gena ka ngohi manena dabolo.” Komagena o Yohanes una masirete womasingangasu onaka.

Efesus 4:14

Nakoso ngone pomaaka komagenaka, de ngone asa pomasitero kawa maro de o ngopa-ngopa so jai-jai yakulai de o dodoto o kia bato gena ka yamote, maro o deru o moku-moku de o rato dasosihilo yadahe so ikole hika de hino. O dodoto magena o nyawa yokokulai gena yaaho de manga edekati gena o nyawa yasihaga.

2 Petrus 2:17

O guru ikokulai ona magena ngaroko itemo manga dodoto yadoto ma ngale o nyawa gena yanako idodooha aku ipiricaya de lo yaaka itiai maro o Gikimoi wodudupa, duma igogou komagenawa. Kanaga maro o bi ake ma jobubu, duma ma ake lo ihiwa, de lo maro o bi lobi dataroka, duma o paro dasosihilo yaahoka so imuurawa. We! Imaakaka maro komagena, so ma ngale ona magena manga riho kanaga o Gikimoi wosidailako lo daboloka, ena gena o naraka dapopuputuka.

2 Petrus 3:17

Ai dodiao tinidododara, komagena tinisitiari daboloka. So ngohi tongongano bilasu ngini gena nimajaga nimasidodiahi. Upa sidago o guru ikokulai manga dodoto gena niopiricaya de o ngeko isasala niamote sidago lo nitura so o dodoto itotiai gena niopiricaya daputuru kawa.