Lukas 7:17 - O GIKIMOI AWI JAJI ma BUKU

¹⁷ La o habari ma ngale o Yesus magegena yaado sidago o Yudea ma daeraka de ma bi doku-doku ma sigilolika.

Lukas 7:17 ပူးပေါင်းရင်းမြစ်များ

Matius 2:1

Idadi de imaaka komagena, so o Yesus wisibuo gena o Betlehem ma dokuka o Yudea ma daeraka, ma dongoho magena o Herodes wopareta maro ka o kolano moi. De kanaga lo o orasi magena o bi nyawa icocawaro nodoka o Yudea ma daera ma wange ma nyonyieka de ona magena ma soa ikukuruka, de itagi yakahino o Yerusalem ma kotano.

Matius 4:24

Mutuwade o habari ma ngale o Yesus gena o bi nyawa yogiise de yanako sidago o bi doku o Siria ma daera ma sigilolino, so o nyawa yadadala yahino Unano. O nyawa ona magena yangaho o nyawa yasisiri yadala moi-moi de manga panyake imaketerowa. O nyawa ona magena kanaga manga siri isangisara poli, yakokitoka, yamumusu de lo manga rohe isosone yangodu ona magena Una wasilohaka.

Matius 9:26

La o habari magegena iise de yanako sidago yaado kagena o soa de o doku ma sigilolika.

Matius 9:31

Duma ona ka yotagi ma ngale isihabari kagena o soa de o doku ma sigilolika.

Markus 1:28

O orasi magena dabolo o habari ma ngale Una datai yogiise kiaka bato sidago o doku o Galilea ma sigilolika.

Markus 6:14

Ma orasi magena ma Kolano Herodes Antipas woise ma ngale o Yesus de Awi nonako ihahairani, sababu kagena o nyawa yadadala yaaka idadi manga uru ma beto. Sidago yaado o doku de o soaka so o bi nyawa itemo, “O Yesus gena o Yohanes Wooosi de Una asa wooho kali! Ma sababu magegena Una wamake o buturu la waaka o nonako ihahairani.”

Lukas 4:14

Dabolo de o Yesus de o Gurumi Datetebi magena ma kuasa wipareta so woliho wahika o Galilea ma tonaka. O Galilea ma sigilolino o habari ma ngale Una gena o bi nyawa yogiise de yanako.

Lukas 7:14

So Una ka wogila-gila wososone awi pandangaka wapada, so o nyawa yomomoku magegena imatogu kasi. De Una o gohiduuru magenaka wotemo, “He! Ngohi tonisulo nomomi!”