Lukas 7:16 - O GIKIMOI AWI JAJI ma BUKU

¹⁶ Kagena de o nyawa yangodu yohairani so iwisigiliri o Gikimoi, de yotemo, “Wewe! O nabi wilalamo moi womasinako to ngone nanga sidongirabaka. Igogou, o Gikimoi wahino o loha waaka Awi nyawaka.”

Lukas 7:16 ပူးပေါင်းရင်းမြစ်များ

Matius 15:31

Pei! Ona yadadala gena yohairani yakelelo o nyawa yadala de Una wasilohaka: o nyawa ibimomou lo aku ibicaraka, o nyawa ibilulugu lo aku itagika, o nyawa manga dohu isosoneka lo aku yotagi itiaika, o nyawa ibipipilo lo aku imasigeleloka. Komagena so o Gikimoi o Israelka ma nyawa wisusuba Una ona magena iwisigiliri.

Matius 21:11

De o nyawa wimomote gena yosango, “Una o Yesus, o nabi moi o Nazaretno o Galilea ma tonaka.”

Matius 28:8

So kagena o boosuka de ona imatai-tai yomajobo. Ona yamodo duma de manga more de manga nalika. Ona itagi imagogora la isingangasu Awi muri-murika.

Matius 9:8

Ma orasi o nyawa yadadala o kia idadadika gena yakelelo, de ona magena yamodo de o Gikimoi wisigiliri itemo, “Igogou! O Gikimoi Awi kuasa komagena ma lamo wahike o nyawaka.”

Lukas 1:65

So o nyawa ona imakokadateku yangodu asa yohairani, de o habari magena yosihabari o Yudea ma daera ma bi talaka de ma sigilolino.

Lukas 1:68

“Powigiliri o Jou, Una o Israel awi ngopa de awi danoku gena nanga Gikimoi. Sababu Una magena wahino ma ngale ngone Awi nyawa la nanga saturu yangoduno gena wonapalako.

Lukas 19:44

Ona magena asa nia doku de ma raba dangodu yabodito, sidago lo iruba de ituraba so ma teto ngai moi lo asa imalapangawa de o teto ma somoa. Sababu ngini niwimaha-mahawa o Gikimoi Awi hino nginika la ngini winiriwo.”

Lukas 2:20

O sowohi ona magena iliho, de ma ngale o ngopa wisibubuo Una magena o Gikimoi iwigiliri de iwihoromati, sababu dangodu ona yoise de yakokelelo, gena itero de igogou maro kia o malaikat itetemo onaka.

Lukas 24:19

O Yesus wotemo, “O kia idadadi.” So ona itemo, “Awadede! O kia idadadi gena o Yesus, o Nazaret ma nyawaka. Una o nabi moi de Awi demo de lo Awi manara gena ma rabaka kanaga de ma kuasa, bai o Gikimoi Awi simaka de lo o nyawa yangodu manga simaka.

Lukas 5:26

Ma orasi o kia idadadika gena yakelelo, de o nyawa magena yangodu yamodo de yohairani icarawa, de o Gikimoi wisigiliri itemo, “Igogou! O kia naga ihahairani moi o wange manena pakeleloka.”

Lukas 5:8

Magena o Simon Petrus wakelelo, de gila-gila una wobukuku o Yesus Awi simaka de wotemo, “Jou, noidongosa ngohi! Sababu ngohi o nyawa ma dorou!”

Lukas 7:15

So wososone gila-gila womomi so womatamiye de wobicara. De o Yesus wosisaraha o gohiduuru magena ma awaka.

Lukas 7:39

Magegena de o Farisi ma nyawa wakelelo o kia naga o ngopedeka muna magena maaka, de una awi sininga ma rabaka asa wotemo, “Nakoso o nyawa Una magena igogou o nabi moi, de Una aku wominako o ngopedeka muna magena de ami manara datotorou de womasimahawa Awi rohe mapada.”

Lukas 8:37

Komagena so o Gerasa ma daera ma nyawa gena asa o Yesus iwigolo wosupu manga dokuno, sababu ona magena foloi yomodo. So Una o deruku wopaneka, de o talaga ma sonongano woliho kali.

Lukas 9:19

De ona isango itemo, “Kanaga ma binuka itemo o Yohanes Wooosi, de ma binukali itemo o ma nabi Elia, de o nyawa ma somoali itemo Ngona o nabi idodoma moi so kanaga wooho kali.”

Yohanes 1:21

So ona wisano kali itemo, “Nakoso komagena, nagala ngona gena ma nabi Elia?” “Hiwa! O Elia gena ngohiwa.” De ona itemo kali, “So ngona naguuna. Nagala ngona o nabi moi kiaka una magena o Gikimoi wojaji idomaka done asa wahino?” So una wosango kali wotemo, “Hiwa! Ngohi una magena isowo.”

Yohanes 1:25

So ona lo iwisano unaka itemo, “Ce! Baba, nako ngona gena o Salamati ma Kolano nisowo, de o Elia eko o nabi moi o Gikimoi wojajajika una magena lo nisowo, de dadoohaso aku ngona o nyawa naosi.”

Yohanes 4:19

“Wewe, Baba! Nagala Ngona manena o nabi moi, sababu ma ngale to ngohi ai moi-moi gena dangodu aku nanako itiai.

Yohanes 6:14

So o nonako magegena Una waakaka to ona manga simaka, de o nyawa ona magena asa yotemo moi de moika, “Awalele! O nyawa Una manena igogou o nabi moi o Gikimoi wojajaji idomaka wotemo igogou Una asa wahino o duniaka.”

Yohanes 9:17

So dabolo de ona asa itemo kali una idodoma wopipiloka, “So ngona gena idodooha. Sababu ma ngale to ngona ani lako, so ani sininga ma gaalu Unaka gena idodooha.” So idodomaka wopipilo magena wotemo, “Nako to ngohi ai siningaka gena, totemo Una magena o Gikimoi Awi nabi moi.”

Rasul 5:5

O Ananias o demo dangodu magena woise, de ka awi sone irubaku. Sababu komagena o Gikimoi wifanggali unaka, so o bi nyawa kiaka bato yogiise o hali idadadi magena, ona yangodu ka yamodo poli.

Rasul 7:37

O Musa una magena lo wotemo o Israel ma nyawaka, ‘Done o Gikimoi asa wihiri to ngini nia sidongirabano de winihike nginika o nabi moi, imatero de ngohi.’

Galatia 1:24

So ma orasi o bi gogobu yanako ma ngale to ngohi ai sininga itagalika, de ona magena o Gikimoi Awi ronga yogiliri de isilamo.