Lukas 7:13 - O GIKIMOI AWI JAJI ma BUKU

¹³ Kagena de o Jou Yesus ma awa womikelelo so Awi galusiri ibao mobabaloka, de wotemo, “Kodo! Ai awa, upa noari bai!”

Lukas 7:13 ပူးပေါင်းရင်းမြစ်များ

Markus 8:2

“Kodo! Ngohi tasayangi o nyawa yadadala ona manena. Kanaga he o wange saange dabolo ona dede Ngohi, de o orasi manena ona manga maru ihiwaka.

Lukas 10:1

Dabolo de o Jou Yesus wimomote manga sidongirabano wahiri yamoritumudingi, de wasulo la ona yasosinoto asa itagi yododoma o doku yageto, kiaka done Una lo wototuuru de asa watulu.

Lukas 11:1

Ma moiku o Yesus kanaga wosumbayang. Wosumbayang daboloka, de Awi muri moi wotemo Unaka, “Jou, togolo tanu Ngona nomidoto ngomika la misumbayang, maro o Yohanes Wooosi wadoto wimomoteka la isumbayang.”

Lukas 11:39

So o Jou Yesus wotemo unaka, “Ngini o Farisika ma nyawa gena maro o nyawa la kanaga o udo-udo de o lelenga gena ma duduno yatiodo, duma ma rabaku ka dafajasi. O adati de o galepu kiaka cawali ma duduno pakokelelo gena igogou niaaka. Duma kanaga to ngini nia sininga ma rabaka ka o dodesere de lo nyafusu ma dorou nipareta.

Lukas 12:42

De o Yesus wotemo, “Tosiade-ade kali, kanaga woleleleani moi wococawaro de lo awi tuangi awi manara waaka wokaeli. Woleleleani una magena ma tuangi witideka, la wodadi yoleleleani ma binuka manga sahe moi ma ngale manga ino o wange isigeto-geto wositoku.

Lukas 13:15

So o Jou Yesus wotemo, “He! Ngini manena nikokulai! Ngini ningodu, nakoso nia sapi eko nia jara gena, ka daloha o Sabat ma wangeka niasose de niaaho nisisupu la o ake nisiudo.

Lukas 17:5

O Jou Yesus Awi muri-muri itemo Unaka, “Jou, mia piricaya gena nosiputuru ngomika bai!”

Lukas 17:6

De o Jou wotemo, “Nakoso ngini de nia piricaya hitilahi ka ma cunu, koloko o sasawi ma sopo ngai moi, de ngini aku ka nitemo, ‘He, gota ilalago! Norapu de nomatuluru la o teoku nilutuka!’ Igogou, done asa imatuluru yamote maro o kia ngini nitemo.”

Lukas 18:6

Dabolo de o Jou Yesus wotemo, “Niise o kia ma hakim magena wotetemo. Ngaroko awi sininga gena itiaiwa, duma wodupa womiriwo mobabalo muna magena, sababu mogolo mosidadu-dadu.

Lukas 19:8

Kagena de o Jou Yesus waado o Zakheus awi tahuka, de o Zakheus una magena womaokoye de wotemo Unaka, “Jou, to ngohi ai arata ma sononga asa ngohi tahike o bi nyawa isususaka, de lo nagoona tasihaga, so manga pipi tadeheka, asa ngohi tatagali de tosigiliho onaka sidago ma para iha.”

Lukas 22:61

de o Jou womabulutu de winano o Petruska. De o Petrus gena womasininga igogou ma nonomasi o Jou asa wisitemo dabolo unaka, “O toko isore waasi, de ngona he nomanosu nosipara ma saange.”

Lukas 24:3

So ona yowosa o boosu ma rabaka, we, yamakewa o Jou Yesus Awi sone ma bake.

Lukas 24:34

Ona imatotolomu gena yotemo, “Igogou! Ma Jou wooho kali bai! Una womasimane o Simonka!”

Lukas 7:12

Kagena o doku ma ngora he idumu, de imakamake de o nyawa yadadala, ena momongo wososone iwitota la wipoosu. Wososone una magena mobabalo moi ma ngopa ka womatetengo, so yadadala imimote o pandangaku wisitide de wisisupu yodupa iwipoosu.

Lukas 7:14

So Una ka wogila-gila wososone awi pandangaka wapada, so o nyawa yomomoku magegena imatogu kasi. De Una o gohiduuru magenaka wotemo, “He! Ngohi tonisulo nomomi!”

Lukas 7:19

de wasulo la ona itagi o Jou Yesuska, la kagena de iwisano Unaka, “Baba, idodooha Ngona gena igogou o Salamati ma Kolano ngomi miwidodamaha, kiaka o Gikimoi womijajajika, eko ngomi bilasu o nyawa ma somoa moili miwidamaha.”

Lukas 8:52

Iwosa de o nyawa yangodu magena yododora manga ili yapoputuruka sababu mosoneka. Duma Una wobicara, “O ngopa manena mosonewa, duma mikioloka, so upa niari.”

Yohanes 11:2

Awi bira ongo Maria muna gena done o gososo dabobou mosidahu o Jou Yesus Awi dohuku de ami hutu masirete Awi dohu mosiese.

Yohanes 11:3

De manga hira o Lazarus wopanyake so awi bira ona magena asa o nyawa yasulo la itagi o Yesuska iwidedemo, “Jou, to Ngona Ani dodiao nowisosininga gena una wopanyake.”

Yohanes 20:13

So yasinoto magena itemo munaka, “Awa, o kiaso ngona noari.” De muna mosango motemo, “Kodo! Ai Jou Awi rohe ma bake gena asa o nyawa isilodaka bai! De ngohi tanakowa kekiaka iwisiloda.”

Yohanes 20:15

Una ongo Maria muna magenaka wotemo, “Awa, o kiaso ngona noari. Naguuna ngona nowisari.” Muna ami sininga ma rabaka motemo nagala Una gena o doro womomanara, so motemo, “Baba, nakoso Una magena Awi sone ma bake natuluruka, tanu noisingangasu ngohika, kiaka nowihado la ngohi aku towidehe.”

Yohanes 4:1

O Yesus o nyawa wadotosi kagena o Yudea ma tonaka, de o Farisika ma nyawa ona yogiise idodooha Una magena o nyawa yadadala waosi. Ngaroko yogiise komagena, duma Una he o nyawa waosi kawa, duma ka Awi muri-muri bato ona magena asa o nyawa yaosi. De ona Una wimomote magena manga dala idogo-dogo sidago nakoso isitetero Una de o Yohanes gena, Una wadoto de waosi foloisi yadala. So ma orasi ma Jou Una wanako gena o Farisika yogiise de nagala ona magena yodupawa, so wotemo, “Hino la potagi poliho o Galileaka.”

1 Korintus 7:30

De o nyawa la kanaga idodora, ona magena bilasu upa yosininga cawali manga sininga ma belesoka. O nyawa la kanaga isanangi, ona magena bilasu upa yosininga cawali manga sanangika. O nyawa la o kia naga yaija, ona magena bilasu upa yosininga cawali manga alamu moi-moika.

1 Tesalonika 4:13

Ai dodiao nipipiricaya, ngomi midupa la nianako o kia moi-moi itero ma ngale o nyawa nagoona o Yesus wipipiricaya de isone. La ngini upa he nia gari de nia sininga ipeleso maro o nyawa ma somoa, la kanaga ma orasi isone de manga ngongano lo ihiwaka.

Ibrani 2:17

So Una bilasu womadadi maro ona magena, la imatero dede to Una Awi tahu ma raba moi, la Una lo asa aku wodadi o Imam Wilalamo la kanaga de Awi galusiri de lo o Gikimoi Awi manara gena waaka wokaeli. Sidago Una masirete iwitooma ma ngale o nyawa manga dorou dangodu gena watupu.

Ibrani 4:15

Sababu igogou, nanga Imam Wilalamo manena ma ngale ngone nanga buturu ikurangi gena waaku wamalo. Wamaloka, sababu maro o tailako ma bi ngeko moi-moi gena dangodu inadahe ngoneka, komagena lo Unaka o tailako ma ngeko magena lo asa iwidahe daboloka, duma Una ka o dorou moi lo waakawa.