Lukas 5:24 - O GIKIMOI AWI JAJI ma BUKU

²⁴ So Ngohi asa towisiloha la asa ninako, Ngohi o Nyawa ma Duhutu manena o duniaka tahino de Ai kuasaka la nia dorou tosiapongu.” So wotemo woluluguka, “Nomaoko! De ani dangi naaho la noliho.”

Lukas 5:24 ပူးပေါင်းရင်းမြစ်များ

Matius 16:13

O Yesus de Awi muri-muri itagi o Kaisarea Filipi ma soa de ma dokuka. Itagi so manga dodagi ma rabaka Una wasano onaka, “Nako o nyawa gena ona itemo, Ngohi o Nyawa ma Duhutu manena naguuna.”

Matius 25:31

“Ngohi o Nyawa ma Duhutu manena done ma orasi Ngohi tahino kali, de Ai kuasa ma buturu asa ifoloi de lo Ai malaikat yangodu-ngodu imoteno. Ngohi asa tomatamiye Ai pareta ikokuasa ma kursika.

Matius 26:64

Kagena de Una wosango wotemo, “Iya! Komagena maro kia notetemo. De Ngohi lo totemo, o orasi asa imasidiado de ngini asa nikelelo Ngohi o Nyawa ma Duhutu tomatamiye o Gikimoi Wokokuasa Awi girinaka, de lo asa nikelelo o sorogaka de tokahino touti o lobi-lobi ma rabaku.”

Matius 28:18

So kagena de Una womasidate onaka, de watemo, “O kuasa o sorogaka de lo o duniaka gena dangodu ihike Ngohika.

Matius 4:24

Mutuwade o habari ma ngale o Yesus gena o bi nyawa yogiise de yanako sidago o bi doku o Siria ma daera ma sigilolino, so o nyawa yadadala yahino Unano. O nyawa ona magena yangaho o nyawa yasisiri yadala moi-moi de manga panyake imaketerowa. O nyawa ona magena kanaga manga siri isangisara poli, yakokitoka, yamumusu de lo manga rohe isosone yangodu ona magena Una wasilohaka.

Matius 9:6

So Ngohi asa towisiloha la asa ninako Ngohi, o Nyawa ma Duhutu manena, o duniaka tahino de Ai kuasaka la nia dorou tasiapongu.” So wotemo woluluguka, “Nomaoko, de ani dangi naaho la noliho.”

Lukas 5:13

Magena de o Yesus Awi gia watoa de una magena, ngaroko wipapado, duma awi roheka wapada, de wotemo, “Ngohi tomode, so nilohaka bato.” So o orasi magena dabolo de una wilohaka so he wipado kawa.

Lukas 5:18

So Awi manara ma rabaka, de o nyawa wolulugu moi awi nyawa yamuruo naga so o dangiku iwisitide. Ona o ngeko isisari o tahuka yowosa, yodupa iwingaho o Yesuska.

Lukas 5:23

Nako Ngohi totemo, ‘Ani dorou tosiapongu,’ de nakoso imahoi, eko hiwa, ngini niakelelowa so nianakowa. Duma nako totemo, ‘Nomaoko la notagi,’ de ngini aku niakelelo de nianakoka Ai buturu iwisilohaka.

Lukas 7:14

So Una ka wogila-gila wososone awi pandangaka wapada, so o nyawa yomomoku magegena imatogu kasi. De Una o gohiduuru magenaka wotemo, “He! Ngohi tonisulo nomomi!”

Lukas 8:54

Dabolo de Una wacoho o ngopa magena ami giaka, de wotemo munaka, “He, Ai ngopa! Nomomi!”

Yohanes 11:43

Kagena de Una woaso womatoore Awi ili wolamo-lamo unaka wotemo, “He, Lazarus! Ngona nahinosi kanena!”

Yohanes 17:2

Sababu ma ngale o bi nyawa yangodu Ngona o kuasa noihike Ngohika, la o bi nyawa Ngohi noihihikeka, ona magenaka aku Ngohi tahike o oho ka sidutu ikakali.

Yohanes 3:13

Igogou, o nyawa moi lo yahiwa o duniaka de ikahika o sorogaka yaado la o kia idadadika yakelelo. Ka cawali Ngohi masirete, Ai ronga o Nyawa ma Duhutu gena, o sorogano so o moi-moi magena takeleloka.

Yohanes 5:27

De lo o kuasa woihike Ngohika, la ma ngale Ngohi aku o nyawa tasisala so bilasu ona dede o Gikimoi imakitinga, de magena igogou Ngohi de Ai kuasaka sababu Ngohi manena o Nyawa ma Duhutu.

Rasul 14:10

so wiaso womaili-ili wotemo, “Nomaoko nomabobolowoye!” De o nyawa una magena womasitudu de gila-gila wotagika.

Rasul 5:31

Komagena lo o Gikimoi wisidola de Awi girinaka wisitami la Una Wokolano de Wasisalamati, la Una magena aku womadadi o ngeko so ngone o Israelka ma nyawa nanga dorouno pomatoba de pomatoduba la o Gikimoi wonasiapongu.

Rasul 9:34

O Petrus wotemo unaka, “Eneas, o Yesus Kristus ngona wonisilohaka. Nomomi de nouti la ani jongutu nalolo.” Orasi magena dabolo o Eneas woutika.

Rasul 9:40

So kagena de o Petrus wosulo o nyawa yangodu isupu kasi, de wobukuku so wosumbayang o Gikimoika. Dabolo de una womabulutu ami rohe worisima, de wotemo, “Tabita, nomomi!” Ato ami lako mapelenga o Petrus mowikelelo, de momomi so momatamiye.

Gogelelo 1:13

de kanaga ma dongirabaka Una magena maro o nyawa moi kagena womaokoye. Una womasitibaku o juba ikukuruku sidago lo Awi dohuku de to Una Awi mamata ma sangi lo ka o guraci.