Lukas 5:22 - O GIKIMOI AWI JAJI ma BUKU

²² Kagena de manga sininga ma takasiri o Yesus wosihoda, so wotemo, “Upa niafikiri koloko to ngini nia sininga ma rabaka.

Lukas 5:22 ပူးပေါင်းရင်းမြစ်များ

Matius 12:15

O Yesus o Farisika ma nyawa manga edekati ma dorou Unaka gena wanako. So kagena de Una womajobo de o nyawa yadadala iwimote. De ibipopanyake manga sidongirabaka gena yangodu Una wasilohaka.

Matius 12:25

Kagena de manga sininga ma edekati o Yesus wanako so wotemo, “Tosiade, nakoso o kolano moi de awi doku-doku, eko lo o tahu ma raba moi eko o doku moi la ona magena kanaga imakitinga, cawali o putu de o wange imatekekokangamo, de ma ngale ona manga rimoi gena asa ibiau so isisa.

Matius 9:4

Kagena de manga sininga ma takasiri o Yesus wanako so wotemo, “Upa niafikiri datorou to ngini nia sininga ma rabaka.

Markus 8:17

Una ka wanako Awi muri-muri manga sininga de o kia ona isibicara. So Una wotemo onaka, “Ce! Ngini nia sininga isusa ma ngale to ngini nia roti ihiwa. Dadodooha so ngini niasihoda waasi de niasahe waasi sidago o orasi manena. Kodo! Kiaso nia piricaya ikurangi maro komagena.

Lukas 24:38

De Una wotemo onaka, “Dadoohaso ngini nimodo de lo nidodato.

Lukas 5:21

Duma ona gena o Farisika de o bi guru agama kanaga manga sininga ma rabaka itemo, “Wobarani bolo! Wotemo woluluguka, ‘Ani dorou tahoi.’ Ngone panako ka cawali o Gikimoi aku o dorou wahohoi, so Awi demo magenena ma meta o Gikimoi wisiceke.”

Lukas 5:23

Nako Ngohi totemo, ‘Ani dorou tosiapongu,’ de nakoso imahoi, eko hiwa, ngini niakelelowa so nianakowa. Duma nako totemo, ‘Nomaoko la notagi,’ de ngini aku niakelelo de nianakoka Ai buturu iwisilohaka.

Rasul 5:3

Kagena de o Petrus wotemo, “Ce, Ananias! Dadoohaso nomasimaha o Iblis ani sininga yapareta la o Gurumi Datetebi nowikulai so ani tona ma ija ma pipi ma sononga nadiahika.

Ibrani 4:12

Sababu o Gikimoi Awi demo gena o demo foloisi ilalamo sababu ioho ka sidutu ikakali de lo ikokuasa. O demo magena ifoloi dadoto de o sumarangi ma doto sinotoka, sababu o demo magena aku isuru sidago o nyawa manga jiwa de manga gurumi ma batika, maro kanaga o sumarangi moi lo aku isuru de isioto ma bati o kobo de lo ma nihaka. O demo magegena aku o bi nyawa moi-moi o bi moi-moi manga sininga ma rabaka isipelenga de yatailako.

Gogelelo 2:23

Igogou, Ngohi asa tatooma o nyawa ona magena nakoso to muna ami dodoto gena yamote de yacoho. Komagena so o bi gogobu yangodu gena asa yanako igogou-gogou Ngohi manena gena o nyawa ngini ningodu nia sininga ma raba tatailako, de tanako ma ngale nia loha de nia dorou ma sopo done tafanggali de o loha eko lo de o dorou.