Lukas 5:20 - O GIKIMOI AWI JAJI ma BUKU

²⁰ La o Yesus wakelelo manga piricaya ma lamo komagena, de wotemo woluluguka, “Ai ngopa, to ngona ani dorou tosiaponguka.”

Lukas 5:20 ပူးပေါင်းရင်းမြစ်များ

Dodadi 22:12

“Upa lo ani ngopa una magena nowitooma. Sababu ani ngopa womatetengo de nodupa nowitooma la idadi ani gaso moi o Gikimoika, so o orasi manena gena igogou Ngohi tanako ani sigogise de ani piricaya itotiai Unaka.”

Matius 9:2

De kagena o nyawa wolulugu moi o dangiku iwisitide iwingaho o Yesuska. So o Yesus wakelelo manga piricaya ma lamo komagena, de wotemo woluluguka, “Ai ngopa, ani sininga nosiputuru. To ngona ani dorou tosiaponguka.”

Matius 9:5

Nako Ngohi totemo, ‘Ani dorou tosiapongu,’ de nakoso imahoi eko hiwa ngini niakelelowa so nianakowa. Duma nako totemo, ‘Nomaoko la notagi,’ de ngini aku niakelelo de nianakoka Ai buturu iwisilohaka.

Markus 2:5

La o Yesus wakelelo manga piricaya ma lamo komagena, de wotemo woluluguka, “Ai ngopa, ani sininga nosiputuru. To ngona ani dorou tosiaponguka.”

Lukas 7:48

Dabolo de Una wotemo o ngopedeka muna magenaka, “To ngona ani dorou tosiaponguka.”

Yohanes 2:25

Komagena lo ma ngale o nyawa manga sininga gena upa he o nyawa asa iwisingangasu, sababu igogou Una wanako daboloka.

Yohanes 5:14

Daboloka, de ona asa imakamake kali o Gikimoi Awi Tahuka, so o Yesus wisingangasu una wisilolohaka magena de wotemo, “Igogou, ani buturu iliho kali. So ngona gena nosanangika. So tanu Ai beseso manena nosigise la ngona gena upa o dorou naaka kali. Ngaroko ani sangisara idodomaka gena ilamo, duma o dorou ma sopo gena ma fanggali lo asa o sangisara foloisi ilamo.”

Rasul 14:9

O wange moiku ma orasi o Paulus wobicara, de o nyawa una magena kagena womatamiye de awi demo gena wosigigise. So kagena de o Paulus wikeri-keri una magenaka, de wimalo igogou una o Gikimoi wipiricaya so aku wisiloha,

2 Korintus 2:10

Duma o orasi manena de ngohi totemo nginika, ma ngale una niwifanggali de o dorou gena bilasu ngini niaaka kawa. Nakoso ngini gena una niwisiapongu, de ngohi lo asa towisiapongu. De lo nakoso igogou una kanaga de awi sala ngohika, de ngohi asa towisiapongu. Ma Kristus gena wanakoka to ngohi ai sininga ma edekati la ngini aku nimarimoi kali.

Kolose 3:13

De lo upa nimatekedoosa, duma nakoso o nyawa moi nia sidongirabaka kanaga de manga galaki moi manga dodiaoka, hika ngini nimatekesikaapongu moi de moika gena ka daloha ma rehe-rehe, imatero maro ma Kristus winisiapongu dabolo nginika.

Yakobus 2:18

Nagala ai demo idodomaka gena o nyawa ma somoa yaholu, so yotemo nginika, “O nyawa moi womasigocoho cawali awi piricaya o Jou Yesuska, de o nyawa moili asa womasigocoho cawali o loha waaka o nyawaka.” Duma ngohi asa totemo, “Sababu ngini nia loha o nyawaka ihiwa, so ngini lo akuwa nisikelelo nia piricaya magena ngohika. Duma ngohi gena o loha taaka o nyawaka, so komagena lo ai piricaya aku tinisikelelo nginika.