Lukas 5:17 - O GIKIMOI AWI JAJI ma BUKU

¹⁷ O wange moiku o Yesus wodoto, de kanaga o Farisika ma nyawa de lo o guru agama ona magena yamuruo naga kagena yogogeku. Ona magena yahino o Galilea ma tona ma sigilolino, de komagena lo o Yudea ma daerano de lo o Yerusalemno. O Jou Gikimoi Awi kuasa kanaga Unaka la o bi nyawa manga panyake aku wasiloha.

Lukas 5:17 ပူးပေါင်းရင်းမြစ်များ

Matius 11:5

Ena gena o nyawa ibipipilo imasigeleloka, ibilulugu itagika, yabipapado yalohaka, de yabitotopongo imasigiseka, de isosone yasioho kali de lo o habari daloloha isihabari o bi nyawa isususaka.

Matius 15:1

O wange moiku de o Farisika ma nyawa o bolu moi de o guru agama yamuruo naga o Yerusalemka yahino o Yesuska. Ona wisano Unaka,

Markus 1:45

Duma una wotagi o nyawa yadadalaka wosihabari so o nyawa yadadala yogiise. So o Yesus o bi dokuka wowosa waakuwa. Ngaroko Una asa ka wahika ma soaka, duma o nyawa o kiano bato yadala icarawa asa yakahika Unaka.

Markus 16:18

de nakoso ona o ngihia yacoho eko o raci yaudo, asa ona isiboditowa, de lo nakoso to ona manga gia yasipada o nyawa yasisirika, o nyawa ona magena asa yaloha kali.”

Markus 3:22

O guru agama yamuruo naga yahino o Yerusalemno, de itemo, “Igogou, Una magena o Beelzebul imasiuhoka! Ka cawali o Iblis magena, o bi toka wakokolano gena, wihike o buturu la ma ngale o toka wodusu.”

Markus 5:30

Komagena de o orasi magena dabolo Una wamalo Awi buturu isupu to Una Awi roheno. De womakiliho de wasano o nyawa yadadalaka, “Nagoona Ai juba yatigi.”

Markus 7:1

O wange moiku de o Farisika ma nyawa o bolu moi de o guru agama yamuruo naga o Yerusalemno yahino de itagi imatolomu o Yesuska.

Lukas 15:2

Kagena de o Farisi ma nyawa de lo o bi guru agama ona magena asa imaridemo onaka, de yotemo, “Asitagala! Una gena wadodiao de woodo dede o bi nyawa ma dorou ona magena.”

Lukas 2:46

So wisari o Yerusalem ma doku yakiloli yahika de yahino o wange saange dabolo, de asa Una wimake o Gikimoi Awi Tahu ma rabaka. Una de o guru-guru agama so manga demo wosigise de lo onaka wasasano.

Lukas 5:21

Duma ona gena o Farisika de o bi guru agama kanaga manga sininga ma rabaka itemo, “Wobarani bolo! Wotemo woluluguka, ‘Ani dorou tahoi.’ Ngone panako ka cawali o Gikimoi aku o dorou wahohoi, so Awi demo magenena ma meta o Gikimoi wisiceke.”

Lukas 5:30

Kagena de o bi guru agama yamuruo naga, ona magena o Farisika, Una wikelelo womatamiye woodo de o bi nyawa ma dorou magena, so ona asa imaridemo de Una Awi muri-murika yotemo, “Aistagala! Dadoohaso Una woodo de o balastengi itotolomu de o bi nyawa ma dorou ona magena.”

Lukas 6:19

Yadadala yahika Unaka, la manga ngale hitilahi iwipada, sababu kanaga Awi roheno o kuasa isupu de isiloha to ona manga panyake dangodu manga roheka.

Lukas 7:30

Duma nakoso o bi Farisika de o bi guru agama, ona magena o Gikimoi Awi ngale ma ngale manga ohoka gena yoholu yadehe, sababu idomaka gena o Yohanes ona waosi lo yoholu.

Lukas 8:46

De o Yesus wobicara, “Duma kanaga o nyawa moi Ngohi itigi. Ngohi tanako, sababu Ai buturu isupu to Ngohi Ai roheno.”

Yohanes 3:10

So o Yesus wotemo, “Ngona gena ngaroko o Israel ma nyawa manga guru moi nikukuruye, duma dadoohaso sidago o bi moi-moi ngona tonidodedemoka de ma ngale gena naakuwa nanako.

Yohanes 3:21

Duma nakoso kanaga ona yodupa yamote o dodoto itotiai gena ma sihino o Gikimoino, ona magena o nita ma rabano yahino. Ona magena yaaka la ma ngale o nyawa yangodu aku yanako, igogou to ona manga manara magena yaaka sababu ona imarimoika dede o Gikimoi.”

Rasul 19:11

Sababu de o Gikimoi Awi kuasa ma roriwo so o Paulus aku waaka o nonako ilalamo de ifoloi idoku so yohairani.

Rasul 4:30

Komagena lo Ani kuasa nosikelelo la o nyawa yasisiri nasiloha de o bi nonako ihahairani ifoloisi nosidadi dede o Yesus Awi kuasa, Ani Leleani witetebi gena.”

Rasul 5:34

Duma kanaga o Mahkamah Agama ma nyawa moi o Farisika awi ronga o Gamaliel, una magena o Yahudika manga guru agama moi de o nyawa yangodu iwihoromati. Una magena womaoko de wosulo la o bi rasul magena yasisupu kasi ma duduka o orasi ma cunu.