Lukas 4:36 - O GIKIMOI AWI JAJI ma BUKU

³⁶ O bi nyawa yangodu yohairani poli, sidago ona itemo moi de moika, “Wobarani bolo! Una Awi kuasa so aku wapareta o bi toka isupu, de igogou isupuka.”

Lukas 4:36 ပူးပေါင်းရင်းမြစ်များ

Matius 9:33

So o Yesus wikokitoka awi toka wodusu so imahoika, de o orasi magena dabolo o nyawa una magena waaku wobicaraka. O nyawa yadadala gena asa yohairani de itemo, “Wokuasa bai! Ngomi ma moi waasi o Israel ma tonaka o nyawa maro Una magegena miwimake.”

Markus 1:27

O bi nyawa yangodu yohairani poli, sidago ona itemo moi de moika, “Wobarani bolo! Una Awi dodoto damomuane! De Awi kuasa Una aku wapareta o bi toka isupu, de igogou wisigise Unaka.”

Markus 7:37

So o nyawa ona magena ka yohairani icarawa de yotemo, “Igogou! Yatotopongo lo imasigise de imomou lo ibicaraka. Dangodu waaaka gena ka idadi daloha.”

Lukas 2:18

De o nyawa yoiise gena yangodu yohairani o sowohi manga jarita magegena.

Lukas 4:32

O nyawa yosigogigise Awi dodoto magena yangodu yohairani, sababu Una wodoto de wikuasaka.

1 Petrus 3:22

Una wisioho kali de asa Una wodola o sorogaye, de kagena o Gikimoi Awi girinaka womatamiye ma ngale bilasu o bi malaikat de lo o bi kuasa dangodu-ngodu ka Ona yasinoto yasigise.