Lukas 4:31 - O GIKIMOI AWI JAJI ma BUKU

³¹ Dabolo de o Yesus wokahika o Kapernaum ma dokuka o Galilea ma tonaka. Kagena womasidiado gena o Sabat ma wangeka Una o puji ma tahuka wodoto.

Lukas 4:31 ပူးပေါင်းရင်းမြစ်များ

Matius 10:23

Nakoso o doku moika ngini inisangisara, de hika niloda o doku ma somoa kali. Ngini tinisingangasu igogou, ngini o habari daloloha nisihabari o Israel ma bi dokuka dangodu waasi, de Ngohi o Nyawa ma Duhutu asa tahino kali.

Matius 4:13

So o Nazaret ma doku wodongosa de wokahika o Zebulon de o Naftali ma daeraka o Galilea ma talaga ma dateka, so wogoge o Kapernaum ma dokuka.

Lukas 4:23

Magena de Una wotemo onaka, “Igogou, done asa ngini ma binuka nisitemo o ade-ade manena Ngohika, ‘He, dokter! Hika Ani rohe masirete gena nosiloha kasi. Nakoso igogou Ngona o nabi moi, de Ngona lo kanena Ani doku masireteka naaka o nonako ihahairani, kiaka miiiseka naaka daboloka o Kapernaumka.’

Rasul 13:50

Duma kagena o kotaka ma roriri o nyawa yalalago de o bi ngopedeka yahohoromati, o Gikimoika yodupa isusuba, ona magena o Yahudika ma nyawa yasigaro la o Paulus de o Barnabas yasaturu. So kagena de ona yotagi o Paulus de o Barnabas yasangisara sidago yadusu o daera magenano.

Rasul 18:4

De kagena o Sabat ma wange isigeto de o Paulus o puji ma tahuka wabobicara, la tanu o Yahudika ma nyawa de o bi Yahudika ma nyawa yasowo lo manga sininga wadehe la o Yesus iwipiricaya.