Lukas 3:23 - O GIKIMOI AWI JAJI ma BUKU

²³ Ma orasi o Yesus Awi umuru he o taungu moruwange, de Una Awi manara wasolano. Imamote o nyawa manga tagapi, Una magena ma baba o Yusuf, o Yusuf ma baba gena o Eli.

Lukas 3:23 ပူးပေါင်းရင်းမြစ်များ

Dodadi 41:46

Kagena de o Mesir manga Kolano ma Firaun awi simaka to una awi wakil o Yusuf, de una awi umuru he o taungu moruwangeka, de ma Firaun awi manara magena asa wosolano waaka. So ma kolano awi simano wosupuka, de womajobo de wotagi o Mesir ma bi doku dangodu wakiloli de wageto-geto.

Matius 1:1

Manena gena o Yesus Kristus Awi sihino yalefo la aku ngone panako, ena gena Yesus Awi topora gena o Daud de o Daud awi topora gena o Abraham.

Matius 1:16

Kagena de o Yakub ma ngopa yanau o Yusuf, de o Yusuf gena ongo Maria ma roka, muna magena mowisibubuo o Yesus, Una magena o Salamati ma Kolano.

Matius 1:6

de o Isai ma ngopa yanau ma Kolano Daud. So kagena de o Daud ma ngopa yanau o Salomo (o Salomo ma awa ena gena o Uria ma balo),

Matius 13:55

Igogou! Una manena cawali o tahu woaaka moi awi ngopa, ma awa gena ongo Maria, de Awi nongoru o Yakobus, o Yusuf, o Simon de o Yudas.

Matius 4:17

Ma orasi magena de isikahino o Yesus wodoto wotemo, “He! Nimatoba de nimatoduba la nia dorou niodongosa, sababu o Gikimoi wopareta maro o kolano moi gena he womasidiado.”

Markus 6:3

Igogou! Una manena cawali o tahu woaaka moi, ma awa gena ongo Maria, de Awi nongoru o Yakobus, o Yoses, o Yudas de o Simon. De Awi bira lo kanena igoge so pomasihie moi.” So ona yodupa kawa yoise maro o kia Una wotetemo gena.

Lukas 2:48

La ma baba de ma awa wikelelo Una, de ona yohairani, de ma awa motemo Unaka, “Ce! Ai ngopa, dadoohaso nomiaka komanena! O wange saange dabolo ngomi mia sininga isusa minisari Ngona.”

Lukas 3:31

De o Elyakim ma baba gena o Melea, o Melea ma baba gena o Mina, o Mina ma baba gena o Matata, o Matata ma baba gena o Natan, de o Natan ma baba gena o Daud.

Lukas 4:22

Ona isigigise gena yangodu yohairani, de yotemo, “Igogou, Awi demo gena foloi itiai de daloha bai! Duma Una gena ka o Yusuf awi ngopa.”

Yohanes 1:45

De o Filipus asa to ona manga dodiao moi o Natanael wimake de wotemo unaka, “He! Ngomi gena miwimakeka Una magena o Salamati ma Kolano, kiaka o Musa de lo o bi nabi-nabi idodomaka gena o Gikimoi Awi Buku ma rabaka isilefoka. Una magena miwikeleloka bai! Una magena o Nazaret ma nyawa moi o Yusuf awi ngopa.”

Yohanes 6:42

De ona imatekekasano itemo, “Una magena igogou ka o Yusuf awi ngopa, eko idodooha. Ngone ka panako to Una Awi baba de Awi awa. Ce! De dadoohaso Una aku wobarani sidago lo wotemo, ‘Ngohi gena o sorogano tokahino.’ ”

Rasul 1:1

Ai dodiao o Teofilus tonihohoromati, Ai buku ma nonomaka talefo idodooha o Yesus Awi manara moi-moi, de ma ngale to Una Awi dodoto dangodu