Lukas 3:13 - O GIKIMOI AWI JAJI ma BUKU

¹³ De una wosango, “Ngini upa niadehe ifoloi ilamo de o kia o bobareta isitatapuka.”

Lukas 3:13 ပူးပေါင်းရင်းမြစ်များ

Matius 7:12

“Komagena lo o gogoho kia ngini niodupa la o nyawa yaaka nginika, maro komagena lo ngini bilasu niaaka onaka. Gena naga maro o Gikimoi Awi bobita dangodu idomaka o Musa de o bi nabi isilelefo manga bukuka.

Lukas 19:8

Kagena de o Jou Yesus waado o Zakheus awi tahuka, de o Zakheus una magena womaokoye de wotemo Unaka, “Jou, to ngohi ai arata ma sononga asa ngohi tahike o bi nyawa isususaka, de lo nagoona tasihaga, so manga pipi tadeheka, asa ngohi tatagali de tosigiliho onaka sidago ma para iha.”

Lukas 3:12

Komagena lo o balastengi ibitotolomu yahino o Yohaneska, la igolo ona waosi. De ona iwisano unaka, “Baba Guru, o kia bilasu miaaka.”

Lukas 3:14

Kanaga lo o bi prajurit yahino iwisano unaka, “Nako ngomi gena o kia bilasu miaaka.” De una wotemo, “Upa o nyawa niagegego la manga arata inisidoa, de lo upa nia galaki itiaiwa ma ngale o nyawa manga pipi inihike. Idodooha nia gaji ma lamo gena ka niadehe de nia sininga isosanangi.”

1 Korintus 6:10

Komagena lo ona yototosi, de o arata yodesere, de yatobadalu, de o nyawa manga ronga ma dorou yogaka de lo yokokoora, ona magena lo yaakuwa iwosa o Gikimoi Awi paretaka.

Efesus 4:28

O nyawa itotosi bilasu upa itosi kali. Duma ona bilasu de manga gia masirete imanara ikaeli manga oho isisari, la aku o nyawa isususa lo yahike.

Ibrani 12:1

So nako ngone gena, kanaga inasigilolino ona yadalali idodomaka isingangasu igogou o Gikimoi wipiricayaka. So komagena lo ngone nanga piricaya posiputuru o Gikimoika, imatero maro o goguule ma rabaka de o bi moi-moi o kia naga inafafati gena dangodu ngone paumo la pomagogora. So hino la o dorou lo paumo, upa sidago ngone jai-jai bato inasabatolo. De o ngeko kiaka o Gikimoi wositatapu nanga simaka gena, ngone lo bilasu nanga sininga posiputuru la pomagogora.