Lukas 24:41 - O GIKIMOI AWI JAJI ma BUKU

⁴¹ De ona gena maro yopiricaya waasi, ona yohairani icarawa so yanali. Komagena so Una wasano onaka wotemo, “Kanaga de nia ino?”

Lukas 24:41 ပူးပေါင်းရင်းမြစ်များ

Markus 16:11

La o orasi magena ona yogiise ongo Maria motemo mowikeleloka o Yesus wooho kali, duma ona yopiricayawa.

Markus 16:13

Kagena de ona iliho gila-gila isihabari o hali magena manga dodiaoka, duma ona yopiricayawa.

Markus 16:14

Ma dodoguka, o Yesus womasimane kali Awi muri yamogiowo de moika, ma orasi magena imatamiye yoodo. Una wasidapano ona magena, sababu manga piricaya ka ma cunu de manga sahe datogoi so ona yapiricayawa, kiaka o nyawa isingangasu o Yesus ona wikelelo masirete Una wooho kali.

Markus 8:7

Kagena lo to ona de manga nao ibiuudu ngai muruo naga. O Yesus wadehe o bi nao magena de Awi sukuru idola o Gikimoika, de wasulo Awi muri-murika so yasitoku kali o bi nao magena.

Lukas 24:11

Ona isingangasuka, duma manga demo gena Awi muri-muri ona magena asa yopiricayawa, itemo manga demo gena cawali manga ade-ade masirete so itiaiwa.

Lukas 24:40

Dabolo de Una Awi gia de Awi dohu ma bi nabo wosikelelo onaka.

Lukas 24:42

So o nao isosinanga o leta moi gena ona iwihike Unaka.

Yohanes 16:22

Komagena lo ngini. O orasi manena asa nipeleso, duma Ngohi asa dede ngini pomakamake kali so asa ninali kali. De nia nali magena o nyawa moi lo yaakuwa yakoora, so nia nali gena isisawa nia sininga ma rabaka.

Yohanes 21:5

De kagena de Una woaso onaka wotemo, “Dodiao, nidooha kagena. O nao niamake, eko hiwa.” Gila-gila ona wisango, “Hiwa!”

Rasul 12:14

De gila-gila awi ili magena manako igogou o Petrus, duma minali poli so muna o ngora mapelenga waasi, de momatai-tai ma rabaka mokahika kali masingangasu motemo, “He! O Petrus gena kadoke naga ma duduka!”