Lukas 22:70 - O GIKIMOI AWI JAJI ma BUKU

⁷⁰ De ona yangodu yotemo kali, “Nako komagena, de Ngona manena igogou o Gikimoi ma Ngopa?” Kagena de Una wosango wotemo, “Iya! Komagena maro kia ngini nitetemo.”

Lukas 22:70 ပူးပေါင်းရင်းမြစ်များ

Matius 26:25

Kagena de o Yudas done wisiiija una magena lo wotemo, “Baba Guru, ngaroko lo ngohiwa o kia notetemo gena!” O Yesus wotemo, “Komagena maro ani demoka bai!”

Matius 26:64

Kagena de Una wosango wotemo, “Iya! Komagena maro kia notetemo. De Ngohi lo totemo, o orasi asa imasidiado de ngini asa nikelelo Ngohi o Nyawa ma Duhutu tomatamiye o Gikimoi Wokokuasa Awi girinaka, de lo asa nikelelo o sorogaka de tokahino touti o lobi-lobi ma rabaku.”

Matius 27:11

So o Yesus witota ma Gubernur Pilatuska, de o Pilatus wisano Unaka, “So igogou Ngona manena o Yahudika manga kolano?” De Una wotemo, “Iteroka, maro o kia ngona notetemoka.”

Matius 27:43

Una wopiricaya o Gikimoika de womaeto Una o Gikimoi ma Ngopa, so hino la pakelelo idodooha o orasi manena o Gikimoi gena wodupa Una wisisalamati.”

Matius 27:54

Ma kapita moi dede awi prajurit-prajurit o Yesus wijojajaga gena o osu de lo o kia naga idadadi magena yakelelo, de ona yamodo imasidotirineku, de yotemo, “We! O nyawa Una manena igogou o Gikimoi ma Ngopa!”

Matius 3:17

Ato itangi de o ili moi yoise o sorogaku itemo, “Una manena to Ngohi Ai Ngopa towidododara. De Una magena Ngohi towidupa.”

Matius 4:3

So kagena de o Iblis yahino de iwibaja itemo Unaka, “Ngona gena igogou o Gikimoi Awi Ngopa. So hika o bi teto manena nasulo la imadadi o roti la aku naodo.”

Markus 14:62

Kagena de Una wosango wotemo, “Igogou, Ngohi manena Una. De ngini asa nikelelo Ngohi o Nyawa ma Duhutu tomatamiye o Gikimoi Wokokuasa Awi girinaka, de lo asa nikelelo o sorogaka de tokahino touti o lobi-lobi ma rabaku.”

Markus 15:2

So kagena de o Pilatus wisano Unaka, “So igogou Ngona manena o Yahudika manga kolano?” De Una wotemo, “Iteroka, maro o kia ngona notetemoka.”

Lukas 22:71

De ona yotemo, “Upa he o saksi posari kali bai! Ngone inangodu poise Awi sala Awi uruno masirete isupu.”

Lukas 23:3

So o Pilatus wisano Unaka, “So igogou Ngona manena o Yahudika manga kolano?” De Una wotemo, “Iteroka, maro o kia ngona notetemoka.”

Lukas 4:41

De yakokitoka yadala manga toka wodusu so imahoika. De manga toka wodudusu gena imatoore itemo, “We! Ngona manena o Gikimoi ma Ngopa!” Duma Una wasimaha kawa manga toka ibicara, sababu o toka lo iwinako Una magena o Salamati ma Kolano.

Yohanes 1:34

De ngohi tanako igogou de ngohi towikeleloka, so tinisingangasu tagogou nginika, Una magena o Gikimoi ma Ngopa.”

Yohanes 1:49

Kagena de o Natanael wotemo, “Wewe! Baba Guru, so Ngona ka noinako bai! Igogou-gogou, Ngona gena o Gikimoi ma Ngopa. Ngona manena o Israelka ma nyawa manga Kolano.”

Yohanes 10:30

Ngohi de Ai Baba gena mimarimoika so midadi ka ka moi.”

Yohanes 10:36

De Ngohi tinisingangasu, Ngohi gena o Gikimoi Awi Ngopa. Duma Ngohi manena gena nikalaki de nitemo, ‘Ngona o Gikimoi Awi ronga ma dorou nogaka.’ Ngini nia demo komagena itiaiwa, sababu ma ngale Ngohi gena o Gikimoi wositatapuka maro Awi sosulo masirete, Awi demo gena taaaho o duniaku.

Yohanes 18:37

So una wotemo, “Ce! So Ngona gena igogou o kolano moi.” De o Yesus wosango unaka wotemo, “Itero. Maro ngona notetemo, Ngohi gena igogou o kolano moi. Ngohi gena isibuoka, so o dunia ma rabaka tahino gena, kanaga de Ai ngale moi ena gena aku Ngohi o dodoto itotiai o nyawaka tasingangasu. De nakoso o nyawa la o dodoto itotiai gena yodupa yadehe, ona magena asa Ngohi isigise dalohaka.”

Yohanes 19:7

De o Yahudika manga roriri magena asa ka isigegego itemo, “Nako to ngomi mia bobita miacocoho gena pamote, igogou Una magena bilasu ka wosone, sababu Una lo wotemo daboloka Una o Gikimoi ma Ngopa.”