Lukas 22:18 - O GIKIMOI AWI JAJI ma BUKU

¹⁸ sababu o orasi manena Ngohi totemo nginika, o orasi manena bato Ngohi done o anggur manena taudo kawa, sidago ma orasi imasidiadoka o Gikimoi wodadi o kolano o dunia damomuane ma raba kasi.”

Lukas 22:18 ပူးပေါင်းရင်းမြစ်များ

Matius 16:18

Komagena so ngona gena igogou Petrus, gena ma ngale o teto. De o teto o sosode gena ma dokuka Ngohi asa Ai tahu tosigoko, gena ma ngale o bi nyawa Ngohi ipipiricaya gena yangodu asa tatolomu. Ngaroko o Sone ma Riho ma buturu, ona gena yatura yaakuwa.

Matius 26:29

Duma o orasi manena Ngohi totemo nginika, Ngohi done o anggur manena taudo kawa, sidago ma orasi imasidiadoka la Ai Baba wodadi o kolano o dunia damomuane ma rabaka, de asa Ngohi o anggur damomuane taudo dede ngini.”

Markus 14:23

Kagena de Una o anggur ma udo-udo wadehe de Awi sukuru idola o Gikimoiye. De o udo-udo magena wahike Awi muri-murika, de ona magena moi-moi o anggur magena yaudo.

Markus 14:25

Duma o orasi manena ngini tinisingangasu igogou, Ngohi done o anggur manena taudo kawa, sidago ma orasi imasidiadoka o Gikimoi wodadi o kolano o dunia damomuane ma rabaka, de asa Ngohi o anggur damomuane taudo kali.”

Markus 15:23

So kagena yahika, de ona wihike Unaka o anggur de o sou o gososo dabobou isicapuka la Awi siri isikurangi, duma Una woholu waudo.

Markus 9:1

De o Yesus wotemoli, “Ngini tinisingangasu igogou, yamuruo naga to ngini nia sidongirabano done isone waasi, nakoso yakelelo waasi o Gikimoi Awi pareta dapoputuru.”

Lukas 21:31

Komagena lo nakoso o susa de o sangisara dangodu Ngohi tododedemoka la idadi gena, nianako ma orasi he idumuka o Gikimoi asa wopareta maro o kolano moi o duniaka.

Lukas 22:16

Sababu Ngohi totemo, igogou Ngohi asa toodo kawa o Paskah ma ino manena sidago idadi la poodoli done o orasi ma simaka, nakoso o Gikimoi wopareta maro o kolano moi o duniaka.”

Lukas 9:27

Ngini tinisingangasu igogou, yamuruo naga to ngini nia sidongirabano done isone waasi, nakoso yanako waasi o Gikimoi Awi pareta igogou imasidiadoka.”

Kolose 1:13

O Gikimoi Una magegena o Iblis ma kuasa ma rabano ngone wonasisalamatika, maro o bubutuno o nyawa wasisupuka, de wonatuluru so ma Ngopa widododara to Una Awi pareta ma rabaka kagena powosa.