Lukas 22:16 - O GIKIMOI AWI JAJI ma BUKU

¹⁶ Sababu Ngohi totemo, igogou Ngohi asa toodo kawa o Paskah ma ino manena sidago idadi la poodoli done o orasi ma simaka, nakoso o Gikimoi wopareta maro o kolano moi o duniaka.”

Lukas 22:16 ပူးပေါင်းရင်းမြစ်များ

Lukas 12:37

Ileleleani asa yosanangi nakoso ma tuangi woliho de wamake ona magena yojaga de iwidamaha. Sababu o tuangi una magena asa womasidailako womaaka maro o leleani moi, so wasitamiye la ona waleleani.

Lukas 14:15

Ona yoodo, kagena de wikokoro moi ma orasi o Yesus Awi demo magena woise, de una magena wotemo, “Nakoso o nyawa yakoro la yoodo dede o Gikimoi kagena Awi pareta ma rabaka, done ona magena asa yosanangi bai!”

Lukas 22:15

De Una wotemo onaka, “O susa de o sangisara tamake waasi de Ngohi foloi todupa toodo o Paskah ma ino manena dede ngini.

Lukas 22:18

sababu o orasi manena Ngohi totemo nginika, o orasi manena bato Ngohi done o anggur manena taudo kawa, sidago ma orasi imasidiadoka o Gikimoi wodadi o kolano o dunia damomuane ma raba kasi.”

Lukas 22:30

Komagena so done ma orasi Ngohi todadi o Kolano to Ngohi Ai pareta ma rabaka, de ngini lo asa nikoro la niodo de porarame dede Ngohi, de lo asa nimatamiye o bi pareta ma kursika ma ngale o Israelka manga soa yamogiowo de sinoto gena niapareta.”

Yohanes 6:27

Upa ngini nimanara ma ngale o ino done asa ibaka, duma ngini bilasu nimanara ma ngale o ino kanaga ibabakawa gena niamake o oho ka sidutu ikakali. O oho gena Ngohi o Nyawa ma Duhutu asa tinihike nginika, sababu Ngohi manena Ai Baba Gikimoi woisitatapu la ma ngale to Una Awi manara taaka.”

Rasul 10:41

Ena gena, ma orasi wooho kali de iwisimane o nyawa yangodu kawa, ka cawali ngomi manenaka, de ma orasi Una wooho kali o sone ma rabano ngomi miodo de miudo dede Una. De ngomi manena o Gikimoi womihirika la midadi saksi ma ngale Una.

Gogelelo 19:9

Dabolo de o malaikat moili wotemo ngohika, “O nyawa la kanaga yakoro de yahino o Duba ma Goho Awi kawi ma rarameka, ona magena igogou de manga sininga isosanangi. Magena hika nalefo. O demo magena ka igogou o Gikimoi Awi demo.”