Lukas 20:34 - O GIKIMOI AWI JAJI ma BUKU

³⁴ Kagena de Una wosango wotemo, “O bi nyawa o dunia manenaka imasipedeka de lo imasiroka.

Lukas 20:34 ပူးပေါင်းရင်းမြစ်များ

Lukas 16:8

Una awi arata ma jojaga, awi sininga itotiaiwa gena, o bi moi-moi kiaka waaakaka magena, wokakaya woise de una ka wisigiliri, sababu igogou una magena wocawaro wosidailako ma ngale awi oho o orasi ma simaka. Sababu o bi nyawa o Gikimoi wihoholu de manga oho yaaturu de manga dodiao, ona magena yocawaro ifoloi de o bi nyawa kiaka o Gikimoi Awi nitaka yogogoge, duma yocawarowa, sababu imasidodiahiwa yaaturu ma ngale manga oho o orasi ma simaka kagena o sorogaka.

Lukas 17:27

Idomaka ma nabi Nuh awi orasika, de o nguuhi ilamo sidago idadi o taufani magena imasidiado waasi, de o nyawa yanakowa o kia naga done asa yadahe onaka. Ona salalu ka yoodo de youdo, de lo yokawi, gena gila-gila sidago ma nabi Nuh magena o deru ilalamoku wopaneka. So o taufani magena imasidiado, de o ake idola sidago ona yangodu yalutuka.

Lukas 20:33

So ma orasi imasidiado o nyawa isosone ioho kali done naguuna womasipedeka. Ena momongo, yatumudingi magena yangodu makawika.”

Efesus 5:31

O Gikimoi Awi Jaji ma Buku ma rabaka isilelefo itemo, “Komagena so, ipasaka, de o nyawa yanau bilasu ma baba de ma awa wadongosa, la una de awi pedeka gena ona asa idadi ka ka moi.”

Ibrani 13:4

O kawi ma adati gena ngini ningodu bilasu nisigise. Upa niatilaku, sababu o nyawa la kanaga o nyafusu ma dorou yaaka eko yosundali, ona magena o Gikimoi asa wafanggali de o dorou.